Silvia Pérez Cruz, verdade e beleza do cante popular

silvia-perez-cruz2

Hai quen chegou directamente a ela co seu disco 11 de novembre, unha alfaia delicada, serena, repousada, con temas en catalán, portugués, español e galego, que brillou entre a produción musical do 2012 pola súa nudez e verdade. Hai quen a descubriu a través da banda sonora da Blancanieves de Pablo Berger e Maribel Verdú. E outr@s fixémolo un pouquiño antes, con Las Migas, a formación primeira da que fixo parte, centrada no flamenco. Sexa como for, é unha sorte chegar á súa música, atoparse con ela.

Sílvia Pérez Cruz é catalana, de avós galegos (aldea ourensá de Correchouso, en Laza) e canta cancións. Nin máis nin menos. Non todo o mundo o fai. Canta por seu pai, que morreu un 11 de novembro. Canta versos que foron cantados por milleiros antes ca ela, anacos da alma popular das terras da Iberia e de máis aló do mar. Canta o que o corazón lle fai sentir que pode cantar, desde a alma. Jazz, folk, flamenco, músicas populares e tradicionais, standards, temas propios, músicas cubanas e brasileiras, temas de amor, de desamor, cantes da dignidade do pobo que pasaron de xeración en xeración.

Diego Manrique falou con ela:  Se ha exagerado tanto, explica. Nos hemos tragado la leyenda de la niña que cantaba habaneras por los bares de Palafrugell pero, puntualiza, “el especialista en habaneras era mi difunto padre, Cástor Pérez. Yo igual iba dos o tres veces al año a La Bella Lola y mi bandera era Alfonsina y el mar, de Mercedes Sosa”. Un poco fuerte, ¿no? El drama de una poetisa que se suicida. “Crecí en un ambiente donde se nos trataba como adultos. Mi madre daba clases de expresión artística e insistía que debíamos ser auténticos en todo lo que hacíamos”. Terminó dominando tantos registros que despistaba a los oyentes. “Cuando formaba parte de Las Migas, muchos me creían andaluza o portuguesa. Hubo temporadas en que me sentía incapaz de cantar en catalán hasta que volví a pillarle el tranquillo, a través del portugués. Tuve una experiencia bellísima en Brasil, actuando en pueblos del interior”.

Paga a pena baixar a voz, esvaer as luces, demorar na penumbra e escoitar, pousados no silencio, Folegandros, Vestida de nit, Iglesias ou Nao sei. Agasallarnos tempo para degustala, para que a música nos respire, para remoela nos días posteriores. Nela está a verdade e a beleza do que nunca pasa de moda.

Para saber máis de Silvia Pérez Cruz, podes ler as reportaxes “Silvia Pérez Cruz, la cantante que recuperó el alma de la música”  e “Sílvia Pérez Cruz: “Tenía necesidad de demostrar que también sé tocar y componer”

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s