Lista Reprodución Fórum: a Revolución Musical

Na Biblioteca Fórum estamos revolucionados. E é con motivo do centenario da Revolución Rusa temos un ciclo temático adicado a este feito clave. Por iso, na lista deste mes reunimos algúns artistas e temas clave na historia da música.

Comezamos con Ray Charles, o rey da música soul tal e como a coñecemos. No cantante, saxofonista e pianista de Georgia, converxían de forma natural a música sagrada e profana. A súa carreira está plagada de grandes éxitos, como I Got a Woman, Hit the Road Jack ou Mess Around. Deixámosvos con Georgia on My Mind, o tema de 1930 escrito por Hoagy Carmichael e Stuart Gorrell, que popularizou Ray Charles, e foi adoptado como himno polo Estado que o viu nacer.

Considerada unha das voces máis importantes da historia do jazz, Amy Winehouse renovou o panorama musical co seu particular timbre de voz. O memorable tema You Know I’m No Good foi incluído no seu segundo e último álbum de estudio Back to Black (2006), que obtivo un Brit Award e 5 Grammys, convertíndoa na primeira artista birtánica en obtelos nunha mesma edición.

Como non podía ser doutro xeito, nesta lista temos que facer referencia á Movida. Época na que xurdiron Gabinete Caligari, Mecano, Nacha Pop ou Radio Futura, entre outros, convertidos hoxe en grupos de culto.

Pese aos cambios na súa formación orixinal, Radio Futura foi precursor do rock latino, e é considerato un dos grupos rock máis importantes na historia da nosa música por encadear sucesivos éxitos na década dos 80. Versionada polo grupo infantil Bom Bom Chip e posteriormente por Rosario Flores, Corazón de tiza (1990) foi criticada pola súa falta de orixinalidade. Sen embargo, foi un dos seus últimos éxitos antes da disolución, trala que os seus integrantes fundamentáis (Santiago e Luis Auserón e Enrique Sierra) continuaron a súa carreira en solitario.

E se incluimos á Movida , non podemos esquecer o movento musical aparecido en Galicia a principios dos anos 90, o bravú. Ese rock rural con letras combativas e un sentido do humor orientado ao rural, no que destacaron agrupacións como Heredeiros da Crus, Os Diplomáticos de Monte Alto, Os Resentidos ou Yellow Pixoliñas.

O grupo de Monforte de Lemos  lanzou en 1996 o seu derradeiro disco, Non pises a herba!, do que destacamos Addy stripped, no que como en moitos dos seus temas, mesturan galego e inglés.

A continuación vos deixamos a Lista de Reprodución ao completo. Para levar os álbums dos traballos seleccionados lembrade pasar pola Biblioteca Fórum. E se queredes información sobre as actividades ou botarlle un ollo ás guías do noso ciclo temático 100 anos da Revolución Rusa, tédelas aquí.

Amy Winehouse – You Know I’m No Good. Aretha Franklin – Think. Bob Dylan – Like a Rolling Stone. Celtas Cortos – Cuéntame un cuento. Chuck Berry – Maybellene. David Bowie – RebelRebel. Elvis Presley – Jailhouse Rock. Eurythmics – Sweet Dreams (Are Made of These). Gabinete Caligari – Camino Soria. Gloria Gaynor – I Will Survive. Jefferson Airplane – White Rabbit. John Lennon – Imagine. Lady Gaga – Poker face. Marvin Gaye – What’s Going On. Nacha Pop – La chica de ayer. Mecano – El 7 de septiembre. Os Resentidos – Galicia cannibal (fai un sol de carallo). Pink Floyd – Comfortable Numb. Queen – Bohemian Rhapsody. Radio Futura  –Corazón de tiza. Ray Charles – Georgia On My Mind. The Doors – Light My Fire. The Rolling Stones – (I Can´t Get No) Satisfaction. The Velvet Underground & Nico – Heroin. The Who – Baba O’Riley. Yellow Pixoliñas – Addy Stripped.

Advertisements

Lista Reprodución Fórum: setembro con ritmo

Este mes traémosvos unha Lista con temas para levantar o ánimo na volta á rutina, prepararvos de cara á Programación Lírica e os próximos concertos que terán lugar na nosa cidade, así como para os artistas que estarán estes días no Festival de la Luz.

Polos escenarios de Boimorto pasarán nesta sexta edición máis de corenta grupos; entre eles Igloo. O segundo traballo dos pontevedreses, La transición de Fase (2009), como ben indica o nome, supuxo un gran cambio ata no seus membros, quedando só Beni Ferreiro da formación orixinal. Sen embargo, conseguiron conservar a súa esencia. Destacamos Sin mentiras.

O 23 de setembro, por vez primeira dentro da programación Lírica, poderase desfrutar na nosa cidade da ópera de Donizetti Lucrezia Borgia. Mentres agardamos para escoitar ao tenor Celso Albelo e á soprano Mariella Devia, que probablemente será a última vez que cante unha ópera completa en España, podedes escoitar a aria Com´è bello interpretada pola gran Maria Callas.

Ben entrado outubro chega Tequila. Trala súa efímera volta en 2008, Ariel Rot e Alejo Stivell atópanse de novo para rescatar a actitude e as letras hipnotizantes que converteron ao grupo hispano-arxentino en esencial para o desenvolvemento do rock en España. Prácticamente seguro que interpretarán o seu clásico Rock and Roll en la plaza del pueblo. Pero nos destacamos Rock and Roll, do seu segundo disco, que supuxo unha gran evolución.

Os canadenses Arcade Fire lanzaron en 2004 Funeral, o seu primeiro álbum de estudio. O nome do débese a que durante a súa grabación faleceron varios familiares dos seus membros. O tema Wake Up, elixido por Spotify como unha das 20 cancións perfectas para erguerse, foi utilizado por U2 para abrir os seus concertos do Vertigo Tour, do que os canadenses foron teloneiros. En 2005 grabaron unha versión con David Bowie.

Se quedastes con ganas de asistir ao concerto de Vega (cancelado por motivos de saúde), podédes atopar un dos seus temas na Lista de Reprodución ao completo. E se queredes levar os álbums dos traballos seleccionados, podédelos atopar na Biblioteca Fórum. Agardámosvos!

Ara Malikian – Backgammon. Arcade Fire – Wake Up. Bruno Mars  – Looked Out Of Heaven. Dani Martín – Mi teatro. Depedro – Ella sabía. Diana Navarro – Brindo por ti. Donizetti (int. Maria Callas) – Com´è bello. Eladio y los seres queridos – El hundimiento. Gioacchino Rossini – Largo al factotum       . Giuseppe Verdi – Teco io sto gran Dio. Gossip – Heavy Cross. Igloo – Sin mentiras. Imagine Dragons – On Top Of The World. Jarabe de Palo – Déjame. León Benavente – Muy fuerte. Mago de Oz – Hasta que el cuerpo aguante. Mario Lanza – La donna é moible. Pink – So What. Renata Scotto – He Shall feed his flock. Rosendo – Tú que … Yo que. Siniestro Total – Quienes somos. Tequila – Rock and Roll en la plaza del pueblo. Vampire Weekend – A-Punk. Vega – La cuenta atrás. Xabier Díaz e Adufeiras de Salitre  Cantiga da montaña. Xoan Curiel  – Policromía.

Lista de Reprodución Fórum: Viaxando… con música

Este mes traémosvos unha Lista pensada para acompañarvos nas vosas viaxes e complementaria a Pérdete… viaxando, a mostra do verán da Biblioteca Fórum, da que podedes desfrutar ata finais de setembro. Unha escolma de libros, revistas, música e películas seleccionadas con motivo da Campaña de verán Móvete’17 do servizo de Turismo Xuvenil do Centro Municipal de Información Xuvenil.

Música de distintas épocas e estilos, na que atoparedes grupos como The Cure ou AC/DC e artistas máis próximos, como Sés ou Xoel López, aos que puidemos ver fai uns días nas Festas de María Pita.

Se vos pedimos que digades unha canción do grupo noruegués A-ha, seguramente se vos veña á cabeza Take on Me, que con 7.000.000 de copias é un dos sinxelos máis vendidos do mundo. Considerada un One-hit wonder (flor dun dia), foron precisas tres versións do tema para que se convertise nun éxito, en gran parte grazas ao segundo e revolucionario videoclip polo que obtiveron seis premios MTV Video Music en 1986. Nel vemos aos membros da banda en animacións debuxadas a lápis e en escenas filmadas en vivo. O vídeo conta con numerosas parodias, como a de Dustin McLean, que cambiou a letra do tema para que describise o que sucedía en cada plano.

A Rush Of Blood To The Head (2002), o segundo álbum de estudio da banda británica Coldplay, está marcado polo 11S, xa que os atentados tiveron lugar unha semana antes de que comezaran a gravación do mesmo, o que influíu no estado anímico á hora de compoñer. O terceiro sinxelo deste traballo, Clocks foi composto nunha das últimas sesións de gravación, e inicialmente, pensaron deixalo para o terceiro álbum. O tema desprende un ton de desesperación, cunha letra críptica e cargada de contradicións. Coldplay vendeu máis de 13.000.000 de discos de A Rush Of Blood To the Head, que obtivo o Grammy a mellor álbum de rock alternativo, mentres que Clocks foi elexida grabación do ano, sendo hoxe en día un dos seus temas máis exitosos.

O zaragozano Enrique Bunbury lanzou en 1999 Pequeño, o seu segundo álbum en solitario. Neste traballo do ex vocalista e líder de Héroes del Silencio incluíase El extranjero, un tema que fala do desarraigamento, de sentirse foráneo na túa terra e pertencente a un lugar remoto.

Á cantante e actriz estadounidense Macy Gray comezou a súa carreira musical de casualidade: un amigo lle pediu que escribise letras para o seu grupo, e cando o vocalista non se presentou no estudio de gravación convidárona a substituílo. Pouco despois fichou por unha discográfica, e co primeiro álbum, On How Life Is (1999), chegou o éxito grazas ao tema I Try polo que recibiu o Grammy á mellor intérprete pop feminina. O vídeo musical de I Try, gravado en distintos lugares de Nova York, obtivo o MTV Video Music Award a Mellor Artista Novo.

Lembrade que na Biblioteca Fórum podedes levar os álbums dos traballos seleccionados. Pero mentres, aquí tedes a Lista de reprodución ao completo.

A-Ha – Take on Me. AC/DC –Black in Black. Adele –Someone Like You. Amy MacDonald –Let’s Start a Band. AndresCalamaro (int.: Los Pericos) – Flaca. Bonnie Tyler – It’s a Heartache. Bruce Springsteen – My Hometown. Coldplay – Clocks. Elton John – Crocodile Rock. Enrique Bunbury – El extranjero. Hombres G – Venecia. Led Zeppelin – Stairway To Heaven. Loquillo y los Trogloditas – Cadillac solitario. Macy Gray – I Try. Maria Rita – Encontros e Despedidas. Marlango – Lo que sueñas vuela. Oasis – Wonderwall. Russian Red – Cigarettes. Sés – Canto aquí canto na Habana. Simon & Garfunkel – America. Steppenwolf – Born To Be Wild. The Beatles – She’s Leaving Home. The Cure – Close to me. The Doors – Roadhouse Blues. XoelLópez – Patagonia. Zaz – Je veux.

Lista de Reprodución Fórum: a música do verán

Xa entramos na temporada estival, e con ela chegan a maior parte dos festivais, polo que este mes centrámonos nos artistas que acturarán no Noroeste Estrella Galicia e naqueles dos que poderemos gozar na nosa cidade. Pero tamén atoparedes grupos que pasaron ou pasarán polo Resurrection Fest, o Festival do Mundo Celta ou o PortAmérica.

En agosto A Coruña entra en festa, comezando polo concerto de Xoel López o día 1;  seguirá o de Miguel Bosé o día 6. O cantante español, colombiano e italiano chega a María Pita dentro da súa xira Estaré, na que repasa os seus 40 anos no mundo da música, con éxitos como Linda, Nena, Bandido… ou Bambú, un tema a piques de cumprir a maioría de idade, incluído no álbum Los chicos no lloran (1990).

Na súa trixésimo segunda edición, o Noroeste segue a medrar. Se o pasado ano foron 60 as bandas participantes, este ano, ente o 8 e o 13 de xullo, máis de 100 artistas levarán a súa música  a 15 escenarios diferentes. Como cabeza de cartel temos á banda escocesa de rock alternativo The Jesus and Mary Chain, a quen seguirán Iván Ferreiro, Surfin’ Bichos e Kaiser Chiefts. O grupo británico lanzou en 2008 o seu terceiro álbum, Off with Their Heads, cuxo primeiro single foi Never Miss a Beat.

Pero ademais dos grupos internacionais, teremos a sorte de esocoitar bandas locais e nacionais. Como a galega Eladio y los seres queridos, que en 2016 lanzou Cantares, Premio MIN da Música Independente ao Mellor álbum en galego. Un traballo no que fan unha homenaxe ao noso cancioneiro tradicional, e que chegou dous anos despois de Orden Invisible (2014). O seu disco máis eléctrico e que en palabras deles “trataba de capturar momentos máxicos”. Nel incluíronse cancións maduradas co tempo, como Seremos Santos Inocentes, que fala de como o tempo é unha trampa mental.

Un pouco antes, como  vos comentábamos no post anterior, teremos a Juan Luis Guerra por terceira vez no Coliseum. O cantautor dominicano, ganador de 18 Grammy Latinos, e con máis de 30 millóns de discos vendidos, chega para facer bailar ao público a ritmo de bachata, merengue, salsa e son con Todo tiene su hora (2014), o seu decimo terceiro álbum de estudio, que compuxo íntegramente. O videoclip do tema que da nome ao disco, e que foi dirixido polo seu fillo, obtivo en 2016 o  Premio Videoclip Awards ao Mellor vídeo musical de Merengue.

Aquí tedes a Lista de Reprodución ao completo. Se queredes levar en préstamo os álbums dos traballos seleccionados agardámosvos na Biblioteca Fórum.

Ala.Ni – Ol’Fashined Kiss.  Amaral– No existen los milagros.  ÁnimaBajo Cero. Antonio Orozco – No hay más. Arch EnemyI Will Live Again. Aviador Dro – Aviador Dro, ¿dígame? Cántigas e Agarimos – A Virxe de Guadalupe.  Carlos Jean – Have a Nice Day. Eladio y los seres queridos – Seremos Santos Inocentes. Emilio José – Febreiro. Franco Battiato – Haiku. Iván Ferreiro – Farenheit 451. Joaquín Sabina – La del pirate cojo. Juan Luis Guerra – Todo tiene su hora. Kaiser Chiefs – Never Miss a Beat. Miguel Bosé – Bambú. Niños Mutantes – El miedo. Novedades Carminha – Devórame otra vez. Rammstein – Reise, Reise. Raül Refree – Mejor ahora. Rodrigo Leão – Lonely Carousel. The Jesus and Mary Chain – Just Like Honey. Triángulo de amor bizarro – El himno de la bala. Vanesa Martín – Complicidad. Xoán Curiel – Asa. Xoel López– La gran montaña.

De Acordes: a despedida

Tras tres meses desfrutando da música, hoxe rematamos o Ciclo Temático De Acordes, e desde a Biblioteca Fórum Metropolitano queremos dar as grazas.

Grazas a Sabela, Paula, Laura,  Maikol, Lucas, Helena, María, Laura, Daniel G. Artés e María García do Coro Xove da Orquestra Sinfónica de Galicia polo marabilloso encontro que tivemos na Biblioteca.

Grazas ao Coro Xove ao completo polo concerto no que desfrutamos de música de épocas e estilos moi diversos.
Actividades Ciclos Temáticos BForum

Grazas a Xardín Desordenado pola súa fermosa homenaxe a Carlos Casares, na que a través do swing, o blues e a bossa nova achegáronnos aos seus textos.

Grazas a Manoele de Felisa por  facer que grandes e pequenos se acheguen á poesía musicalizada.

E grazas a todos vós por pasar estas tardes musicais con nós e por gozar da selección de libros e música que fixemos con tanto agarimo.

Que non pare a música!

Lista de Reprodución Forum: ritmos do mundo

Achégase a tempada estival e para celebralo, convidámosvos a unha viaxe na que, sen preocuparnos de maletas, visados, trasbordos, etc.,  nos achegaremos a ritmos africanos, asiáticos, europeos e americanos.

Comezamos o percorrido por Europa, onde nos atopamos con músicos de Portugal, Inglaterra, Finlandia e Grecia; como a Raíña do Fado, Amalia Rodrigues, quen compuxo o poema Ó Gente da Minha Terra, tema popularizado por Mariza; Talvin Singh, coñecido pola súa fusión de música clásica india, batería e baixo. Tamén visitamos á considerada “a voz da Grecia contemporánea”, Elefthería Arvanitáki. O seu tema Dinata, incluído no álbum Quédome fora (1991), mestura influencias balcánicas e música electrónica, e foi interpretado na cerimonia de clausura dos Xogos de Atenas (2004). Ambos, canción e disco, foron fundamentais para convertela na cantante helénica máis internacional.

Continuamos cun pouco de música de Mali, Senegal, Serra Leona, Camerún, Guinea Ecuatorial, República Democrática do Congo, Sudáfrica, Etiopía e Exipto. No continente africano, desfrutamos da música de Baaba Maal, un dos músicos senegales máis coñecidos; e Hijas del Sol, o dúo afropop formado por Piruchi Apo e Paloma Loribo. No seu primeiro álbum, Sibèba (1995) combinan temas compostos por elas e a música tradicional bubi (da illa de Bioko, en Guinea Ecuatorial), na súa lingua natal e en castelán. Tratan os problemas cos que se atopaban en España os inmigrantes ecuatoguineanos, e as tradicións bubis e católicas. Destacamos o tema que da nome ao disco.

Xa en Asia, imos cara Israel e a India. Na primeira parada escoitamos a Yasmin Levy, filla do musicólogo Yitzhak Levy, co seu particular xeito de interpretar a música xudeo-española medieval. Fusiona sons flamencos e instrumentos tradicionais, como o violín ou o piano.

Seguindo o traxecto lembramos ao virtuoso do sitar, Ravi Shankar. Pai da cantante estadounidense Norah Jones e da directora de orquestra Anoushka Shankar,  o músico hindú máis coñecido do mundo, posuíu o Récord Guinness á carreira  internacional máis longa. Do seu álbum Inside the Kremlim (1988) escoitamos Tarana.

E rematamos a nosa particular volta ao mundo en América. Visitamos Cuba e Arxentina. Aquí a banda Otros Aires, iniciada en España, cautívanos co seu electrotango, no que mestura de música electrónica, sons de principios do século XX e outros contemporáneos.

Antes de volver, facemos unha última escala en Estados Unidos para escoitar a Pura Fé. A fundadora do trío vocal Nativo Americano Ulali, exerce de portavoz da súa comunidade, a tribu tuscarora. E faino a través do seu repertorio musical, ligado ao blues, pero cunha identidade indíxena, que ela interpreta con guitarras hawaianas. Destacamos Let Heaven Show, do seu album Hold the Rain (2007)

Aquí tedes a Lista de Reprodución ao completo. Nela podedes ver unha pequena mostra deses ritmos de arredor do mundo que temos na Biblioteca Fórum. Se queredes continuar esta particular viaxe, non esquezades vir para levar os álbums dos traballos seleccionados.

Amalia, Iago Machado (int. Susana Pereira)Ó gente da mina terra. Baaba Maal – Tindo Quando. Cheikh Lo – Il N’est Jamais Trop Tard. Dub Colossus – Azmari Dub. Eleftheria Arvanitaki – Dinata. Hijas del Sol – Sibèba. Hossam Ramzy – Gamaal Oyounik. Ismaël Lo – Tajabone. Lokua Kanza – Nakozonga. Manu Dibango – Soul Makossa. Otros Aires – No se. Oumou Sangare – Sounsoumba. Pura Fe – Let Heaven Show. Ravi Shankar  – Tarana. Sanna Kurki-Suonio – Ei Musta. Sierra Leone’s Refugee All Stars – Oruwiebie. Ska Cubano – Cumbia en Do Menor. Smod – Cumbia en Do Menor. Staff Benda Bilili – Moziki. Susheela Raman – Ye Meera Divanapan Hai. Talvin Singh – It’s Not Over. Tinariwen  – Tenhert. Vusi Mahlasela – When you come back. X Alfonso – Ya déjame. Yasmin Levy – Yigdal. Youssou N’Dour –   Couple’s Choice.

Lista de Reprodución Fórum: os nosos recomendados

Na Biblioteca Fórum seguimos con De Acordes, a nosa mostra bibliográfica dedicada á música. Así que para este mes, entre tódolos compañeiros elaboramos unha Lista con algúns dos nosos discos favoritos.

E como somos tan distintos, obtivemos unha selección realmente variada, na que vos atoparedes con temas chill out, post-metal, gypsy jazz, soul, folk, rock, pop, música popular brasileira e ata temas de película. Agardamos que vos guste.

O cantante e compositor de música soul Benjamin Duterde, coñecido polo seu nome artístico Ben L’Oncle Soul, era un apaixonado do soul e a música negra desde antes de nacer por herdanza materna. Comezou a súa carreira musical no 2004 nun grupo góspel chamado Fitiavana. Nos inicios da súa carreira en solitario facíase chamar Oncle Ben, pero en 2009 cambiouno, para evitar equívocos coa marca de arroz Uncle Ben’s. Ademais do soul, tamén lle gusta o hip-hop e colaborou, tanto no escenario, como compoñendo temas, con artistas como Oxmo Puccino ou Hocus Pocus. O seu primeiro álbum Ben L’Oncle Soul (2010) conta con cancións en inglés e francés, que desprenden bo humor e recrean as décadas dos 50, 60 e 70. Destacamos Little Sister, que tamén ten cunha versión en francés.

Pianista, compositor, contrabaixista, director de big band e activista contra o racismo, Charles Mingus, icona do jazz da segunda  metade do século 20, definía o jazz como “a música clásica negra”. Autodeclarado discípulo de Duke Ellington, este xenio musical só durou tres días na súa orquestra, pois o seu carácter irascible e temperamental tróuxolle numerosos problemas, causando mesmo confrontacións en medio de concertos. Mingus Ah Um (1959) é un dos seus discos cume, no que cada tema considérase unha clase de jazz, talento, furia e creatividade. Como  Goodbye Pork Pie Hat, un blues lento dedicado a Lester Young.

A banda británica Coldplay, lanzou en 2011 Mylo  Xyloto, o seu quinto álbum de estudo. Un traballo que “fala sobre dúas personaxes tentando atopar o amor e a felicidade nun mundo opresivo”. O disco comezou sendo acústico e foi evolucionando ata incorporar notas electrónicas. Paradise, o segundo sinxelo, foi escrito por Chris Martin para o gañador da séptima edición do programa The X Factor, pero o baterista Will Champion convenceuno de que deixala para o disco. O tema conta con dous vídeos musicais, un dirixido por Hype Williams (co que a banda non quedou del todo satisfeita), e o que vos deixamos a continuación, de Mat Whitecross, cuxa trama e concepto foron ideados por Chris Martin, quen interpreta ao home disfrazado de elefante que escapa do Zoo de Londres buscando o seu fogar.

Nacida a mediados dos 80, a banda estadounidense Neurosis ten un son moi orixinal e diverso, froito das súas variadas influencias (Joy Division, Pink Floyd e Black Sabbath entre outros). Desencadeantes da corrente post-metal, a súa música foi a base da carreira musical de grupos como Isis ou Cult of Luna. The Eye of Every Storm (2004), o seu oitavo álbum de estudo, é considerado a obra mestra do grupo, sendo máis melódico que os seus traballos anteriores. Destacamos Left To Wander.

Se queredes descubrir os álbums que seleccionamos para vós e levalos en préstamo, lembrade pasar pola Biblioteca Fórum. Pero mentres, aquí tedes a Lista de Reprodución ao completo:

Adele – All I Ask. Antonio Vega – Lucha de giantes. Aretha Franklin – I Say a Little Prayer. Ben L’Oncle Soul – Little Sister. Bruce Springsteen – Thunder Road. Bruno Mars – Locked Out Of Heaven. Caetano Veloso – Você é linda. Carlos Núñez – Alborada de Rosalía. Charles Mingus – Goodbye Pork Pie Hat. Coldplay – Paradise. Compay Segundo – Anita. Cult of LunaCircle.  Edith Piaf – Non, Je ne regrette rien. El Kanka – A desobedecer. India Martínez – Los Gatos no Ladran. Iván FerreiroTurnedo. John Legend – Start a Fire. La Bien Querida – A.D.N. Iron Maiden – The Wicker Man. Mika – Happy Ending. Muchachito – Me tienes frito. Neil Diamond – Sweet Caroline. NeurosisLeft to Wander. Nina Simone – Since I Feel for You. Queens of the Stone Age If Only. Red Hot Chili Peppers  – By the Way. Venus in Motion – This Woman. ZazCette Journée.

Concerto homenaxe a Carlos Casares – Xardín Desordenado

Na mostra “De acordes”, e dentro do programa “Ler Conta Moito”, temos a sorte de contar con Xardín Desordenado en concerto.  A cita será o luns 8 de maio ás 19:30 horas na Biblioteca do Fórum Metropolitano.

O grupo foi creado en Vigo no ano 2011, cando comezaron a percorrer bibliotecas e librarías buscando palabras ás que poñer música e chámase así así por unha  expresión que utiliza Daniel Salgado nun dos seus libros.  Como resultado da procura, realizando unha selección segundo o que lles provocaban os poetas, e logo levan os textos ao seu terreo, o jazz. Este traballo conta cunha unha dificultade engadida, pois o grupo evita tratar textos que xa foron musicados por outros.

O obxectivo de Xardín Desordenado é promover a poesía galega. De feito no seu primeiro traballo, chamado coma o grupo, escolleron quince poemas de homes poetas, que acompañaron de instrumentos acústicos; mentres que no segundo, Aprendendo a ladrar, reúnen cancións compostas sobre textos de poetas galegas, dende Rosalía a autoras contemporáneas, coma Carmen Krukemberg, Marica Campo, Olga Novo, etc.

Aquí a súa versión de Neno, de Manuel María:

No concerto renderán homenaxe a Carlos Casares, escritor a quen este ano se lle adica o día das Letras Galegas. Nel incluirán textos ben coñecidos do autor, como “A Galiña Azul” ou “Un Polbo Xigante”, pero tamén poemas non publicados ata agora en libros. Iso sí, os textos irán aderezados con moito swing, moito blues e moita bossa nova.

Agardámosvos o luns 8 de maio ás 19:30 h, cando teremos o pracer de escoitar a Santiago Ferragud, Marlene Rodrigues, David Outomuro, Lorenzo Boo e Isaac Garabatos.

E se non podedes vir, ou quedades con ganas de escoitalos de novo, o mércores 10 de maio á mesma hora, estarán na Biblioteca de Estudos Locais.

Concerto do Coro Xove da Orquestra Sinfónica de Galicia

O venres 5 de maio ás 18:30 h no Auditorio do Fórum Metropolitano teremos o pracer de escoitar ao Coro Xove da Orquestra Sinfónica de Galicia.

Xa tivemos a sorte de coñecer a oito dos seus membros no encontro Cantando coa Sinfónica, do pasado 24 de abril.

IMG_4523

De esquerda a dereita: Sabela, Paula, Laura, Laura, Maikol, Lucas, Helena e María.

Nel os rapaces contáronnos qué é para eles o Coro, compartiron anécdotas e vivencias do tempo que levan no mesmo. E sobre todo, fixéronnos partícipes da súa paixón pola música, e do compañeirismo e a amizade que hai entre eles. O seu amor polo coro e a boa sintonía reinante, fan que non importen as distancias (algúns membros veñen de Monforte ou León), o importante é cantar, e mesmo o fan nos descansos dos ensaios.

Pode que parte da maxia, consista en que  non teñen que sobresaír uns sobre os outros, senón que o que se busca é un empaste de voces, unha boa sintonía, algo que sen dúbida conseguen.

Todos falaron do que lles aporta, o que melloraron desde que comezaron e como lles compensa o traballo extra de asistir aos ensaios os sábados pola mañá, ou mesmo ir cantar despois da súa graduación. Outra mostra do que lles gusta a música é que moitos o compaxinan tamén co Conservatorio; no coro hai grandes violas, pianistas, etc.

This slideshow requires JavaScript.

A paixón polo Coro é algo que teñen en común co seu director Daniel García Artés, que comezou no Coro aos 19 anos, e que desde fai dous leva a batuta en solitario; e coa súa coordinadora, María, que leva máis de 20 anos nel.

Do que non cabe a menor dúbida é do seu talento, pois tres dos que nos acompañaron, Laura, Helena e Lucas, xa forman parte do Coro de Adultos da OSG.

Nós tivemos a oportunidade de escoitalos cantar un par de temas. Pero esta vez, no Auditorio do Fórum estará o coro ao completo, e ollade o programa que teñen preparado:

.: Odi et amo – Carl Orff

.: If music be the food of love – Henry Purcell

.: Ave Verum Corpus – W. A. Mozart

.: When you wish – Leigh Harlile (arr. Daniel G. Artés)

.: I Will follow him – Franck Pourcel, Paul Mauriat (arr. Daniel G. Artés)

.: Creep – Radiohead (arr. Daniel G. Artés)

.: One day more – Claude-Michel Shönberg (arr. Mark Brymer)

.: Bohemian Rhapsody – Freddie Mercury (arr. Daniel G. Artés)

.: Fix You – Cold Play (arr. Daniel G. Artés)

Como podedes ver, abarcan tanto música clásica e contemporánea, coma pop, e é que aínda que agora só está Daniel (que revolucionou o coro ao incluir temas máis coñecidos), o coro tivo antes outros directores: José Antonio García Mato, Fernado López Briones e José Ramón Rodríguez Castellanos, e as preferencias de cada un por un estilo, deixou en herdanza un repertorio moi amplo e variado, que lles permite achegarse a todo tipo de público.

Se queredes pasar unha tarde escoitando boa música, non vos perdades o Coro Xove da OSG. Agardámosvos!!

Cantando coa Sinfónica

Hoxe, luns 24 de abril ás 19:00 h, non vos podedes perder Cantando coa Sinfónica na Biblioteca Fórum. O encontro/recital no que teremos a sorte de contar con 9 membros do Coro Xove da Orquestra Sinfónica de Galicia, acompañados polo seu director musical, Daniel García Artés; quen compaxina esta labor coa docencia na Escuela de Músicos de A Coruña. Ademais, dirixe  o Orfeón Herculino, o Coro Sancta María Maris e o grupo vocal  El acorde secreto, do que tamén e fundador.

A formación, composta por 35 rapaces de entre 13 e 21 anos, aparece trala consolidación do Coro e dos Nenos Cantores da OSG, entre os que fai de ponte.

O Coro Xove conta xa cunha longa traxectoria, pois o próximo xuño cumpriranse 12 anos dende a súa presentación ante o público. Neste tempo, obtivo o 2º Premio no Certame Coral Fira de Tots Sants de Concentaina, en Alacante; así como o Premio do Público e o 2º do Concurso Nacional de Corais Antonio José, en Burgos (2008). Adoita colaborar co Coro e a Orquestra Sinfónica de Galicia, e ofrece con regularidade concertos a capella en distintas localidades de Galicia.

Se vos gusta a música, agardámosvos na Biblioteca Fórum onde estas promesas falarán da súa experiencia no Coro Xove, a formación que reciben, as súas motivacións, etc. Unha oportunidade única na que ademáis poderemos escoitalos interpretar algúns temas do seu repertorio, o que nos servirá para abrir boca de cara ao concerto que terá lugar no Auditorio o 5 maio ás 18:30h.

Non faltedes a cita!