Frescura e actitude, son elementos que definen quen son e que fan La Senda de Afra, os encargados de poñer a banda sonora ao primeiro dos concertos de outono de Xoves na Sagrada o vindeiro 22 de outubro.
A banda de pop-rock deu os seus primeiros pasos no 2008, da man de Sheila Orro e Patri Varela. Con un contundente son pop-rock e unha forte posta en escena, dende o seu debut en directo no 2009 no campus de Santiago ata hoxe obtiveron éxito tras éxito.
Gañadores de concursos musicais de prestixio como “Nordés” dos 40 Principais, a primeira edición do “QueroStar” ou a final do“Noroeste Pop Rock” no verán do 2014.
A guinda foi o “Beefeater London Sessions”, que os levou a Londres aos míticos Abbey Road Studios. Alí gravaron dous temas que foron publicados exclusivamente en formato dixital para ser distribuídos pola rede.
O seu primeiro disco “Tardes de Abril” totalmente autoeditado, foi moi ben recibido polo público. O tema que lle da nome conta cun videoclip gravado no Teatro Rosalía de Castro da Coruña e dirixido por Gonzalo Cotelo, que podedes ver no seu canal de youtube
O seu último proxecto “Nuestro secreto” inclúe os temas feitos en Abbey Road Studios de Londres como “Noches en vela” ou o seu último vídeo “Tomenta de verano”
Este concerto estrea o noso ciclo de outono, que ven cheo de sorpresas. Que mellor, para esas tardes de outono, que achegarse á Biblioteca Municipal Sagrada Familia e escoitar un concerto en directo. Aí van as datas para os nosos Xoveadictos. Un cartel variado e con personalidade:
Silencio, biblioteca! Unha frase gravada aínda en moitos dos usuarios e usuarias das bibliotecas en todo o mundo. E é certo que aínda hai bibliotecas que son templos do saber, templos de estudo, templos de silencio. Pero non é o caso das bibliotecas municipais da Coruña. E mesmo así –inda que cada vez menos– segue estrañando a moitos a celebración de concertos nunha biblioteca pública.
Se as bibliotecas coruñesas teñen que asemellarse á forza a un templo, máis que o templo de silencio retratado no popular sketch bibliotecario de Mr. Bean, optamos polo templo retratado no polémico vídeoclip de Enrique Iglesias… con evidentes e marcados matices, por suposto.
Tamén a imaxe do libro e da literatura está ligado ás bibliotecas. As coruñesas non son unha excepción nisto, claro. Pero nun mundo onde o dixital cobra cada vez máis forza, necesariamente o modelo bibliotecario ha de ir mudando e adaptándose, tendo en conta que o soporte literario está variando e que nas bibliotecas teñen cabida outros elementos multimedia como a música. Non é algo novo, porque música e literatura estiveron sempre ligados, xa desde os xograres onde poesía e música era un só elemento.
Concerto de Os Tres Peixes (Xabier Díaz e Guillerme Fernández) nos Xoves na Sagrada
Por iso resulta algo natural e necesario que as bibliotecas presten a súa atención, o seu espazo, o seu tempo, á música. E o mesmo que se organizan encontros con autores, para que os lectores poidan ter un contacto coa literatura viva, é consecuente que se organicen concertos –adaptados aos espazos bibliotecarios– para que os usuarios da biblioteca tamén teñan contacto coa música en vivo. Se levan un libro de Manuel Rivas e lles gusta vir a un encontro con Manuel Rivas, por que non van levar o disco da banda de Cedeira Los Eternos e vir a un concerto de Los Eternos?
Hai pouco precisamente o blog Biblioideas, da Universidade de Zaragoza, publicaba un artigo moi interesante sobre a mutua inspiración de música e escritura, titulado Los libros se pueden aprovechar para hacer canciones, que vos recomendamos que leades.
Na biblioteca da Sagrada Familia hai tempo que temos isto claro. “Os Xoves na Sagrada”, os concertos de música entre libros, son a manifestación máis clara desta vontade. Para os que aquí traballamos, para os nosos usuarios e usuarias, e para os músicos que nos visitan, é algo moi especial. Cando contactamos con algún músico, ou algún grupo, para invitalos vir actuar á biblioteca da Sagrada Familia, sempre contamos cunha resposta ilusionada. Porque todos e todas entenden a vinculación da música cos libros. E tamén porque é unha forma de achegar o seu traballo a un público ao que quizais non chegaría doutro xeito.
Así que este 23 de abril –Día do Libro, que mellor data!– iniciamos a nosa sexta temporada de “Os Xoves na Sagrada”. Desde aquel 4 de marzo de 2010, foron xa 45 concertos e unha chea de novos amigos e amigas no mundo da música, que lembran á biblioteca e aos seus usuarios cun cariño especial.
Seguiremos programando este ano tendo en conta un amplo abano de gustos e tendencias. E por vez primeira organizaremos unha sesión para os máis cativos, como unha especie de “xovesiños”, con Magín Blanco e o seu espectáculo “Libros en-cantados”.
A apertura do ciclo correrá a cargo de Samarúas, unha formación coruñesa de folk cun estilo ben persoal. Xente nova pero con calidade xa ben contrastada. E o cerre corresponderalle a Lonely Coaster, unha banda de rock, tamén coruñesa, cunha traxectoria ben exitosa. Non acabará aquí esta temporada porque o ciclo reanúdase no outono.
Pero da “chicha” de cada un destes concertos xa vos iremos falando aquí polo miúdo. Non vos queda outra que estar ben atentos a Bibliosons, porque puntualmente aquí iremos dando conta de cada un dos grupos que van pasar pola biblioteca. Unha biblioteca, a da Sagrada Familia, xa vos quedou claro, que non é esa especie de templo solemne de Mr. Bean pero tampouco –non nos pasemos– esoutro templo espazo da algueirada de Enrique Iglesias.
Desde o ano 2008, esta formación de músicos experimentados inicia unha imparable sucesión de concertos, que os leva a tocar en multitude de clubes e salas da xeografía española.
Desde o ano 2013 están presentando o seu disco “Jumpin´in a Deep Blue Sea” polos principais circuitos de blues de Euskadi, Castela e León, Estremadura e Madrid. Xira que remata coa gravación dos “Directos de La Coquette”, co prestixioso bluesman Edu Bighands.
Se algo caracteriza aos Bakin’ é a intensidade e forza dos seus directos, que atrapan ao espectador que escoita a súa mestura de blues de Chicago, soul e boogieboogie.
Na Biblioteca Sagrada Familiateremos a excepcional oportunidade de poder gozar cun dos seus contundentes directos. Será este xoves 23 de outubro, a partir das 19:30 h., dentro do ciclo de música entre libros “Os Xoves na Sagrada”. Como sempre, entrada libre ata completar capacidade .
…Cuando las luces se difuminan, la melodía adquiere todo su protagonismo y esplendor. Todo lo demás es accesorio, sobra, las preocupaciones, los sinsabores, los conflictos. La música, los cura y redime. Los vientos soplan a placer y el hipnotismo sincopado al que se aferra el ritmo del blues, contagia pronto a la concurrencia haciéndoles partícipes de la catarsis colectiva. La banda Obsequia con una puesta en escena rica en elementos sonoros y estéticos, y el público responde en contrapartida con su baile frenético en un poderoso intercambio voluntarioso y sincero….”
Xoves no ano hai moitos. Xoves musicais, xoves con concertos tamén: Os Xoves de Martín Códax, os Xoves Culturais de Sanxenxo, os Xoves da banda municipal de música da Coruña… Pero os veteranos, non teñades dúbida, son Os Xoves na Sagrada. Xa levamos cinco edicións, desde o 2010. En números queda lindo: 41 concertos, 132 artistas sobre a escena e 9 países diferentes. Totalmente internacional. Pero o máis importante é a calidade. Non só a musical, senón tamén a humana. Algo que caracteriza ao noso ciclo de música é precisamente a motivación dos artistas que veñen á nosa biblioteca. Todos e todas aceitaron encantados as nosas invitacións a actuar. En moitas ocasións son eles e elas os que contactan connosco, coñecedores do ciclo, para poder vir presentar os seus traballos. E o clima que se crea, íntimo, nun espazo non convencional para os músicos, cun público cada vez máis habitual e entregado, cunha sonoridade excepcional grazas ao tamaño e aos materiais que rodean os concertos (madeira e papel), fai que tanto para os artistas como para o público sexa unha experiencia moi particular.
O barrio da Sagrada Familia, para os que non o coñezades, é un barrio moi especial dentro da Coruña. Barrio obreiro, con poucas infraestruturas culturais, destino de gran parte da poboación inmigrante da cidade. Un barrio onde a biblioteca representa algo máis do que adoita ser a imaxe dunha biblioteca clásica. Préstanse libros, si, pero tamén é un punto de encontro intercultural e interxeracional. De aí vén o inicio dos concertos dos Xoves. Inicialmente foi a oportunidade para moitos usuarios da biblioteca, orixinarios doutros países, para dar a coñecer a súa cultura a través da música. Senegal, Ecuador, Rusia, Brasil, Angola foron algúns dos países representados nestes primeiros anos. Máis tarde ampliouse o panorama a outros tipos de músicas, interpretadas por artistas locais: Fracasados de Antemano, Silvia Penide, Cardigan Bridge, Wolrus, Los Eternos, Skarallaos… Ao mesmo tempo poñíase un especial e cariñoso acento á música da lusofonía. Sonoridades de Cabo Verde, Portugal, Mozambique, Guinea Bissau, Santo Tomé, comezaron a resultar familiares na biblioteca, grazas a músicos como Narf, Xabier Díaz, Aline Frazão, Sérgio Tannus, Xoán Curiel, Najla Shami…
O formato de Os Xoves na Sagrada ten éxito e continuidade garantido. O máis difícil agora é intentar acoller na programación toda esta variedade de estilos e artistas dentro dun número limitado de concertos. Porque talento musical na Coruña e en Galicia segue habendo e segue medrando. O noso interese é chegar a públicos de todo tipo, moitos deles raros de ver nunha biblioteca. Precisamente un dos resultados de Os Xoves na Sagrada é que este tipo de público coñeza de primeira man un sistema de bibliotecas –as municipais da Coruña- adaptadas aos tempos actuais, atentas ás demandas dos usuarios e dispostas a ofrecer unha chea de servizos en torno á literatura, ao libro, á información, á cultura en definitiva, usando todos os medios que ten á mán, non só o préstamo bibliotecario. A música é un deles.
Así que a partir do vindeiro xoves día 9 de outubro, ás 19:30, comeza o ciclo de outono de Os Xoves na Sagrada. Abre o grupo coruñés Combo Dinamo. Dúas semanas máis tarde os protagonistas serán Bakin Blues Trio. O 6 de novembro recibiremos a Sérgio Tannus Trio e remataremos a temporada cos coruñeses True Mountains. Programación variada e apta para todos públicos. Pero de todos eles xa vos manteremos informados e informadas.
As festas de María Pita están a tinguir de músicas do mundo a cidade da Coruña. Non podemos esquecer as melodías de raíz, auténticas bandas sonoras das nosas vidas durante xeracións.
Se non queredes perder os vindeiros espectáculos de MúsicaTradicional Galega,anotade estes nas vosas axendas, xa que gaitas, pandeiras, bombos e tamborís ”bailarán” o enxebre son de muiñeiras, xotas, alalás, pandeiradas, maneos e foliadas en varios recunchos da cidade:
– 11 de agosto ás 20.00h. no Parque de Sta. Margarida: A Asociación Folclórica Sociocultural Cantares Galegos vólvenos agasallar coas súas cancións dentro do programa Música no Parque.
– 17 de agosto ás 22.30h. na Praza de María Pita: un ano máis, a Asociación Cultural Xacarandainaencherá a praza do Concello ao ritmo de cantos e danzas tradicionais cheas de cor e movemento.
– 19 de agosto ás 20.00h. no Parque de Sta. Margarida: O Coro Aires de Bergantiños compartirá con todos nós o seu amplo repertorio para divulgar unha parte do folclore galego que tanto lles apaixona.
– 16 de agosto ás 20.30h. contaremos con músicas e danzas de Aragón.
– 17 de agosto ás13.30h. e ás 19.30h. poderemos ver os grupos de baile Soniquete da Casa de Andalucía e o “Alto del Guadalquivir” de Córdoba.
– 24 de agosto ás 13.00h. e ás 19.00h. estarán a Asociación Folclórica Cristo de la Veracruz e o Grupo Folclórico “Magisterio” de Albacete, dentro do día de Castela A Mancha.
tr. Representar las palabras o las ideas con letras u otros signos trazados en papel u otra superficie.
tr. Componer libros, discursos, etc. U. t. c. intr.
tr. Comunicar a alguien por escrito algo. U. t. c. intr.
tr. Trazar las notas y demás signos de la música.
La tarea de escribir, el arte de la escritura se ve estrechamente vinculada a las demás artes y en concreto la escritura y la música tienen historias tan paralelas que se difuminan. Quizás es por esto, por lo que nos podemos encontrar con “musicoescritores”, que no desde hace poco han traspasado esas líneas invisibles y se han sentado a escribir para leer y no para cantar. Si hablamos de esto, el primer nombre que nos puede venir a la cabeza es el gran Leonard Cohen, y como él mismo nos dice: “Toda mi obra, bien sea la que llaman novela como la que llaman poesía, contiene una guitarra invisible en su interior”. Leonard Cohen escribió dos novelas y varios poemarios antes de editar su primer disco y la convivencia entre libros y música ha sido constante a lo largo de su carrera. ¿Cuánta literatura hay en una sola canción de Cohen? Es, quizás por esto, que en el año 2011 recibe el Premio Príncipe de Asturias de las Letras :“Considerado uno de los autores más influyentes de nuestro tiempo, sus poemas y canciones han explorado con profundidad y belleza las grandes cuestiones del ser humano”. Otro gran músico galardonado con el Premio Príncipe de Asturias de las Artes, fue en el año 2007 Bob Dylan“Dylan conjuga la canción y la poesía en una obra que crea escuela y determina la educación sentimental de muchos millones de personas.Por ello mismo, es fiel reflejo del espíritu de una época que busca respuestas en el viento para los deseos que habitan en el corazón de los seres humanos.” En el año 2008 recibió un reconocimiento honorario del Premio Pulitzer por su “profundo impacto en la música popular y en la cultura americana, marcado por sus composiciones líricas de extraordinario poder poético”. Las palabras aparecen en los libros y en las canciones, son soportes diferentes pero ambos sirven para contarnos algo, transportarnos a otro momento, a otro lugar. Ese poder mágico lo tienen los libros y también las canciones y es por esto que, en ocasiones, aquellos que escriben historias sonoras se atrevan a plasmar esas historias en papel. Pensando en esto y tratando de aunar estas dos disciplinas artísticas que tanto nos gustan en las bibliotecas, desde la Biblioteca Infantil y Juvenil hemos pensado en una muestra que reúna a varios artistas de la música que han hecho incursiones en el mundo de la literatura, así nace: TINTA SONORA
Mostra Bibliográfica Tinta Sonora
Mostra Bibliográfica Tinta Sonora
Mostra Bibliográfica Tinta Sonora
Mostra Bibliográfica Tinta Sonora
Mostra Bibliográfica Tinta Sonora
Este verano, desde el 15 de Junio hasta el 15 de septiembre, ven y viaja con los libros y la música de: Leonard Cohen,Bob Dylan, Nick Cave, Albert Plá, Santi Balmes, Madonna,Antonio Vega, Antón Reixa, Joaquín Sabina, Patti Smith, Iván Ferreiro, Rosana y muchos otros, y descubre la faceta de escritor/a de tus músicos preferidos, descubre libros, recuerda melodías… A partir de ahora encontrarás pequeñas historias en cada una de las canciones que escuches. Tenéis la selección de documentos para ir haciendo boca en Pinteresty os incluimos aquí una lista de reproducción en la que podrás descubrir, no sólo música, sino también entrevistas o curiosidades.
Os dejamos también la guía de lectura donde podréis conocer más a fondo a músicos/escritores y sus obras.
Miki Nervio & The Bluesmakers é unha banda que non necesita presentación: levan máis de vinte anos sobre os escenarios, gañándose en cada unha das súas actuacións o respecto e o cariño do público.
Formación pioneira en Galicia, comenzaron a súa andaina facendo blues eléctrico pero foron evolucionando ata aproximarse máis ao sonido acústico da música negra de principios do século XX.
Esta viaxe buscando as orixes do blues, permitiulles achegar ao público a tradición das street bands, facendo que instrumentos tan pouco usuais e sorprendentes, como a táboa de lavar, a guitarra de aceiro, as culleres, o contrabaixo, a guitarra de doce cordas, a mandolina e o kazoo, sexan hoxe en día familiares para os seus seguidores. Neste ano veñen de autoeditar o seu quinto disco “Let The Old Times Roll”, traballo máis ecléctico que os anteriores, no que se mesturan estilos coma o folk, o jazz, gospel, western swing e ata rock’n’roll primitivo, pero sempre en clave de Blues, o seu leimotiv dende a súa creación.
A súa versatilidade e amplo repertorio, permitiulles actuar en calquera lugar, en plena rúa ou en todo tipo de local. Este xoves 21 de novembro cerraran o ciclo Os Xoves na Sagrada 2013 da Biblioteca da Sagrada Familia.. Nesta velada de blues estaremos acompañados polos mestres:
Miki Nervio: Voz e kazoo
Slim Slide Louis: Guitarra resonadora
Big Boino Juanjinson: Contrabaixo
Washboard Plof: Táboa de lavar e percusión variada.
O Blues fluirá a través das estanterías e os libros, un peche de ouro para esta temporada de música entre libros. Nas bibliotecas municipais, concretamente na de Rosales e na Infantil e Xuvenil de Durán Loriga podedes levarvos en préstamo algún dos seus traballos.
Logo de catro anos tocando por todos os lugares de costa a costa dos Estados Unidos, The Blue Ribbon Healers cruzan o charco e aventúranse no que será a súa primeira xira europea. Á biblioteca Sagrada Familia tócalle a honra de ser o primeiro punto desta xira que os levará posteriormente por outras cidades de España, Francia e Italia. O ciclo de música entre libros “Os Xoves na Sagrada” acolleraos este xoves 7 de novembro, a partir das 19:30 horas.
The Blue Ribbon Healers son músicos nómades por vocación. Esta banda de Florida -concretamente de Panama City Beach- formada por Cindy Rose e Rob Pate, inspírase no old-time jazz de Nova Orleáns inda que con aires renovados o que confire á súa música un son inconfundible e orixinal. A súa mestura de sons étnicos e folclóricos dá como resultado unha proposta inconfundible que invita ao baile e a celebración, grazas ao seu jazz vocal e a súa parte de gypsy. Con influencias como Ella Fitzgerald, Billie Holiday, Jethro Burns, Grateful Dead ou Tom Waits, as súas actuacións en directo son a súa mellor carta de presentación.
Hoxe, en Retrovisor, unha das bandas míticas da Coruña: Los Eskizos.
Formada por Pedro Granell, Luís Garrido, Antonio Astray e Jose Carral, publicaron só dous epés e varios temas soltos en discos recopilatorios, pero a súa influencia sobre outras formacións locais foi moi forte.
En La Fonoteca podedes ver un resumo da traxectoria do grupo:
E aquí un vídeo da súa actuación en El Playa Club en 1991:
O xornalista coruñés Javier Becerra (tanto nos seus artigos en prensa como no seu blog Retroalimentación) fixo un amplo seguimiento a esta banda, así que desde Bibliosons recomendámosvos que leades as súas crónicas e recordámosvos que nas Bibliotecas Municipais da Coruña podedes atopar a discografía de Los Eskizos: os epés Los Eskizos(1991) e Turn Off The Ligth (1992) (que pasamos a soporte CD para preservar os vinilos orixinais, cuxo artwork correu a cargo do pintor coruñés Branda) e o CD recopilatorio Eskizos 1989-1993, editado por Mushroom Pillow en 2010 e acompañado dun completo libreto con evocadores textos de Alberto Casal e Javier Becerra. Aquí tendes a reseña que o crítico musical Alberto de la Fuente publicou sobre devandito recopilatorio.
Pedro Granell e Antonio Astray formaron posteriormente outras bandas (Kozmic Muffin, High Time, Ulrica, Los Esprituosos) e editaron discos en solitario. Destes e outros proxectos da escena musical da Coruña seguirémosvos falando en Bibliosons.
Discografía de Los Eskizos na Biblioteca Municipal de Estudos Locais da Coruña
Co verán achéganse a calor, os días longos, a manga curta, as ganas de praia e chiringuito que nos faga desfrutar dun bo ambiente. Pero, e se ese chiringuito se convirte nun “fenómeno”? . É o que lle ocorreu a un deles situado á beira da praia da Barrosa en San Vicente do Mar (O Grove).
Alá polos anos 90, caeron en mans de Miguel de la Cierva un espazo e unha posibilidade.
O espazo, inmellorable, un antigo fabriquín de salazón pseudoreformado, nunha praia onde a lúa emerxe deixando un mar de plata e o faro da illa de Ons alumea ao seu ton acompañando o ritmo das ondas na orela.
A posibilidade, facer dun chiringuito de praia de día, un local de concertos de noite no que se reunisen e tocasen músicos coma os que nestes anos puidéronse escoitar: Iván Ferreiro, Xoel López (Deluxe), pregoneiro este ano das festas da Coruña, Russian Red, Leiva (Pereza), Raimundo Amador, Nacho Vegas, Cristina Rosenvinge, Love of lesbian, Eladio y los seres queridos, Lori Meyers, Nawya Nimri, Sidonie, The New Raemon, Mastretta, The Cornelius, O’ Funkillo, Ariel Rot, The Ellas (con Luis Tosar ao frente) e outros que, como Rio Bravo que aterraron cun camión de bombeiros como medio de transporte dende as lonxanas terras saxonas, fan desfrutar da súa música a todos os que se achegan por alí.
Conciertos en El Nautico de O Grove
Pero non só se poden atopar concertos, senón que actuacións de Luis Piedrahita, Eva Hache ou os antigos The Magical Brothers deron o toque cómico a algunha que outra noite.
Quizáis o que máis chama a atención, é que todos, ou case todos, voltan nos veráns seguintes, xa non como estrelas do panorama musical senón como individuos que desfrutan dun ambiente,dun local, dunha paisaxe que xera proximidade, intimidade e relax e porque Miguel fai que se sintan coma se estivesen na casa e como en moitas casas, este entorno invita a poñerse a tocar de forma improvisada.
Ambiente de El Naútico durante un concerto, imaxe de Nahún García
Porque Miguel tamén é músico, pertence a esa xeración na que se comparte oficio con Los Limones e escenario e amizade con Antonio Vega e que non ten problema en coller os seus instrumentos, xuntarse nas actuacións e colaborar cos que, a gusto, suben ao seu pequeno e baixo esceario.
Antonio Vega en “El Naútico” nun dos seus últimos concertos, Agosto 2008
Esto conséguese porque tamén o público e os camareiros, todos xa coñecidos dende fai anos, axudan a que se manteña un equilibrio, coma se de un ecosistema case inalterable se tratase.
Este ano cúmpre 20 anos ós mandos desta nave que funciona ao 100% e inda que non virán os xa clásicos do verán en cartel, si preséntannos unha proposta moi rica en contidos, incluíndo o quinto ano do Laboratorio N onde durante catro días podémonos atopar grandes sorpresas, improvisacións ou jam sessions.
Este verán xa actuaron El Gran Wyoming, por dúas veces, e o sábado pasado actuou Coque Malla, pero inda quedan, entre outros, Depedro, Andrés Suárez ou Juan Perro.
Dende as Bibliotecas Municipais da Coruña animamos a que vos acheguedes a este recuncho especial e nós aportamos o noso gran de area co fondo musical de moitos destes autores e grupos e que atoparedes en calquera das bibliotecas do sistema.
Bibliosons 