Lista de Reprodución Forum: en abril cantautores mil

Botando unha ollada ao panorama musical nacional deste mes, atopámonos diversas propostas que xiran en torno aos cantautores: Abril para vivir en Granada, Llanes encanta en Asturias, Todos Con Voz Propia en Cáceres, Vermuts do Embassat en Barcelona, e non nos podemos esquecer de Santiautor, o certame galego que aínda que empezou en marzo, prolongarase todo o mes de abril.

E como nós non queremos ser menos, decidimos dedicarlles a Lista de Reprodución deste mes. Unha lista na que están presentes trovadores de onte e hoxe, con estilos moi distintos.

O alacantino Adolfo Celdrán deu voz coas súas cancións aos poetas da España dos setenta. O seu álbum Silencio (1970), o primeiro da chamada “Nueva Canción”, destacou polo contido comprometido e revolucionario das súas cancións e pola calidade musical e interpretativa do autor. O disco reeditouse en 2004, engadíndolle o tema Cajitas (que lanzara como single en 1969); unha vers8ión en castelán de Little Boxes, da cantante norteamericana Malvina Reynolds. A canción é unha sátira política sobre o desenvolvemento dos suburbios e a actitude conformista das clases medias. Posteriormente Víctor Jara fixo outra versión como Casitas del Barrio Alto. J. C. Eguilor Uribarri fixo, xunto a outros debuxantes, un cómic a partir do tema de Celdrán.

O poeta, novelista e cantautor canadense Leonard Cohen foi definido como un dos cantantes e compositores máis fascinantes e enigmáticos de finais dos 60. O seu undécimo álbum de estudo, Dear Heather conta con máis poesías lidas, que letras cantadas. Así, Go No More A-Roving é unha adaptación musical do poema de Lord Byron “So, wel lgo no more a roving”

Carole King, tivo a súa época de maior actividade como cantante na década dos 70 e é a compositora con máis éxitos entre 1955 e 1999. Dos seus 25 álbums en solitario, foi o segundo, Tapestry, o que obtivo maior éxito, ao encabezar a lista de álbums de Estados Unidos 15 semanas en 1971, e permanecer nas listas máis de 6 anos. Tapestry é un dos álbums máis vendidos de todos os tempos, con máis de 25 millóns de copias en todo o mundo. Destacamos Youve got a friend, que recibiu o Grammy a Canción do Ano en 1972, convertendo a King na primeira muller en gañalo.

A coruñesa Silvia Penide coouse en programas de Radio3 e M80, entre outros, con Desafinante Crónica, o seu cuarto traballo (2007), que durante a primeira en iTunes logrou o sexto posto entre os álbums máis vendidos de música latina, e o vixésimo na lista xeral. Un álbum cheo de enerxía para momentos nos que necesitamos atopar a paz co mundo, e que conta con cancións moi directas, sinceras e próximas  que conectan co público. Destacamos a canción Reventaba, cuxo videoclip emitiuse nas cadeas de televisión musicais e foi nomeado nos Premios Amigo, onde competiu cos de cantantes como Marta Sánchez ou Enrique Iglesias.

Aquí vos deixamos a Lista de Reproduciónao completo. Se queredes escotiar os álbums dos temas seleccionados, lembrade que podedes levalos en préstamo na Biblioteca Fórum.

Adolfo Celdrán – Little boxes, Bob Dylan – Pay in blood, Carole King – You’ve got a friend, Fito Páez – Tumbas de la Gloria, Jane Birkin – Période bleue, Javier Álvarez – Sunset Boulevard, Javier Krahe – Eros y civilización, Joan Amèric – Que més podría dir-te?, Joan Manuel Serrat – La rosa de l’adéu, Joaquín Sabina – Resumiendo, José Luis Perales – Un velero llamado libertad, Kirsty McGee – Coffee coloured strings, Leonard Cohen – Go no more a-roving, Mari Trini– Yo no soy esa, Marina Rosell – Barca del Temps, Narf – Nas tardes escuras, Nick Drake – Pink Moon, Paul Simon – American Tune, Pedro Guerra – Dragones verdes, Peeter Seeger – Forever Young, Pi de la Serra – Si els fills de puta volessin…, Quique González – Delantera mítica, Silvia Penide– Reventaba, Xoán Curiel – Ecuacións, Vicente Feliú– La felicidad

Jabier Muguruza, poesía do cotiá

Jabier+Muguruza

Pensar en música en euskera é, case sempre, pensar en rock. O peso dos 80 co rock radical vasco, dos 90 coa escudería Esan Ozenki ou nos 2000 co éxito de bandas como Dut, Lisabö, Berri Txarrak, … fai que case sempre se nos veña un determinado imaxinario musical á cabeza. Mais nos diferentes herrialdes euskaldúns habitan máis músicas que os sons duros ou afiados do heavy, do rock e do punk.

Un caso especialmente significativo doutras formas de facer, preñadas de sensibilidade e talento, é o de Jabier Muguruza, músico atento á poesía do cotiá, que prefire a nudez esencial e cálida dos silencios antes que o ruído que despista e enxordece, cun pé na escrita de Bernardo Atxaga, José Luís Padrón ou Joseba Sarrionandía e co outro atento aos ritmos de Kiko Veneno, Jackson Browne ou Uxía. A súa coidada traxectoria en solitario vaise alternando con proxectos ben particulares, como Les Mecaniciens ou Joxe Ripiau, onde se achega sen complexos a outras sonoridades e discursos.

No 2013 Jabier Muguruza (irmán de Fermín e Íñigo, almas de Kortatu e Negu Gorriak) presentou Beste hogei, o seu novo traballo, con xira galega incluída. Vinte anos de carreira musical coherente e continuada, nunha aposta pola sinceridade e a sinxeleza, que nesta ocasión se volve aínda máis próxima ao jazz e aos ambientes íntimos. A música de Muguruza é a música de quen se sabe peixe pequeno no mar do convencional, e de quen aposta pola consciencia do camiño ben feito.

Se alguén, ademais de pola súa música, estiver interesado en afondar máis noutras facetas de Jabier Muguruza recomendamos vivamente tamén o libro “Encuentros con alma”, no que entrevista e conversa con artistas ben diversos e interesantes cos que o autor sente unha afinidade especial.

Na Biblioteca Ágora poderás atopar tres traballos del: Enegarren Postala, Bikote Bat e Mundo Café.

César de Centi en concerto

La Luz de los Gigantes é o disco que este sábado 18 de xaneiro presentará no auditório de Centro Ágora o cantautor coruñés César de Centi.

Colaboradores /César de Centi

É un cantautor coruñés de 33 anos natural do barrio de Os Castros que leva máis de dez anos facendo cancións e sempre tantando de devolver o que a música lle dou. Como él mesmo di:

Teño claro que esto é unha carreira de fondo e como di Jorge Drexler : “Soy jardinero de mis dilemas”

Un disco financiado por Crowdfunding

Este disco ve a luz gracias ó movemento de crowdfunding que puxo en marcha o cantautor fai un ano.

Crowdfunding é unha cooperación colectiva, levada a cabo por persoas que realizan unha rede para conseguir diñeiro ou outros recursos, adóitase utilizar Internet para financiar esforzos e iniciativas doutras persoas ou organizacións

Deste xeito, o 24 de xaneiro de 2013 César de Centi estivo na nosa Biblioteca Forum Metropolitano nun  concerto que estaba enmarcado na xira de presentación da campaña crowdfunding do seu novo disco en solitario.

En palabras do autor definía este proxecto como “unha produción máis elaborada que as miñas anteriores gravacións, con cancións directas sobre situacións cotiás con certo contido poético e de corte intimista”

César de Centi na Biblioteca do Forum MetropolitanoCésar de Centi en concerto na Biblioteca do Forum Metropolitano

La Luz de los Gigantes

Este traballo discográfico resume en boa parte a idea que o artista leva fraguando dende fai moito tempo. Neste concierto, Cesar estará acompañado por Diego Barral (Guitarra), Juan Aparicio (bajo), Dresan Drex(batería) y David Taboada (Teclados).

Contará con las colaboraciones de más de una veintena de músicos: Silvia Penide, Danieme, Xurxo Mares, Paris Joel, Nando Deibe, Robert Pier, Jacobo Paz, Marcos Mella, Tato López, Xose Constenla, Fátima Baña, Jorge Bau, Miguel Castro, Débora Silva, Pablo Rubén Fernández, Carlos Valiño, Juan Cordonié (dobro), Mabel Carro (chelo), Iago Gordillo (saxo), Mou y Tonu Leiro (percusiones), Tamara Diaz y Vanessa León (Pandereteiras).

Web de César de Centi   Blog de César de Centi   Venta de entradas. 5 Euros

Nas nosas Bibliotecas Municipais contamos con algún dos traballos do cantautor. Visita o noso catálogo para ver a súa dispoñibilidade.

A cita é o sábado 18 de xaneiro as 21.30 no auditorio do Centro Ágora, coa música de autor, feita por un artista da nosa cidade. Pasen, vexan, escoiten e disfruten.