Lista Reprodución Fórum: Música para os sentidos

Relacionado co ciclo temático “Cre en ti” que este trimestre temos na Biblioteca do Fórum, elaboramos unha lista de reprodución para cada momento e para cada estado de ánimo. Xa dende os principios da historia pódense rastrexar mencións a que a música afecta o estado de ánimo. Os gregos foron os primeiros en sistematizar o efecto da música sobre a conduta humana, dicían que podía aliviar aos deprimidos e deter aos violentos.

Necesitamos a música e está máis que comprobada a relación que existe entre as notas e os estados anímicos, así como a súa capacidade para facilitar o tránsito dunha emoción a outra. Actualmente, a música escóitase para entreterse, para bailar, para facer exercicio, para meditar, para relaxarse, ao limpar a casa e para facer máis ameno calquera instante. Pero, preguntáchesche cal é a música ideal para cada momento?Aínda que na resposta teñen moito que ver os gustos, preferencias e personalidade de cada quen, hai certos estilos musicais que se aplican para momentos e emocións específicos, independentemente de cal sexa o teu xénero musical favorito.

Música para ter máis enerxía e iniciar ben o día

Este é o tempo no que se atopan ritmos como o rock, pop e dance. Este tipo de composicións son capaces de achegar unha boa cantidade de enerxía ao cerebro humano. As cancións que che fan sentir máis animado e con enerxía son as que teñen unha letra positiva, un tempo igual ou superior a 150 pulsacións por minuto e un ton maior. Recomendamos “Livin’ on a Prayer” de Jon Bon Jovi. Considerada unha das cancións insignia da banda. Ademais, foi catalogada como a mellor canción dos 80 pola cadea estadounidense VH1É unha das 200 cancións con maiores descargas dixitais nos Estados Unidos.

“Viva la vida”, de Coldplay é ideal para ter máis enerxía nas mañás e pasar de estar con letargo a estar alerta, con enerxía e optimista.

Música para facer exercicio

O ritmo acelerado do rock é como unha inxección de adrenalina para o cerebro, así que é un ritmo ideal para motivarche ao facer exercicio. Do mesmo xeito que o pop máis rítmico, a música electrónica e o dance, axudan a manter a frecuencia cardíaca entre 130 e 150 pulsacións por minuto, o cal é útil cando queres queimar calorías. Aquí incluimos traballos como  “Ballbreaker” 13º álbum de estudo da banda de hard rock australiana AC / DC ou “Nothing but the beat” do DJ francés e productor David Guetta.

Música para o relax

A mellor opción cando de relaxarse se trata é a música clásica e instrumental con tons graves, os cales provocan ondas cerebrais baixas que propician a relaxación. Algúns exemplos O “inverno II, Longo” das Catro Estacións.
A música de Mozart é tamén unha boa opción, xa que foi recoñecida por axudar a equilibrar a enerxía e crear unha harmonía entre corpo e mente.

Pero non nos esquecemos de deixar preparada unha lista de cancións tristes. Xa que hai estudos que demostran que escoitar música triste dá consolo e axuda a regular os estados de ánimo negativos. Bos exemplos son “Hello” de Adele ou “Goodbye my lover” de James Blunt.

Aquí tedes a Lista ao completo. Se queredes os levar os discos dos temas seleccionados, lembrade que os podedes atopar na Biblioteca Fórum. Agardámosvos!

Leonard Cohen – I’m your man. Silvia Pérez  Cruz – Vestida de nit. New Wave Classix. Lana del Rey – Lust for life. David Guetta – Nothing but the beat.  La mejor música de Broadway.  Supertramp – Paris. Evanescence – Fallen.  Franz Ferdinand – Always ascending. Gloria Gaynor –  El Album. James Blunt–  All the lost souls.  David Bowie –  Diamond dogs. Adele –  Adele 25. Coldplay – Viva la vida. AC/DC – Ballbreaker. Wolfgang Amadeus Mozart – Salzburg symphonies. Beethoven, Ludwig van – Concierto para piano nº 5 en Mi bemol Mayor. Killers – Live from the Royal Albert Hall. The Cure – The Lovecats. The Beatles – Octopus’s Garden.

Lista de Reprodución Fórum: Viaxando… con música

Este mes traémosvos unha Lista pensada para acompañarvos nas vosas viaxes e complementaria a Pérdete… viaxando, a mostra do verán da Biblioteca Fórum, da que podedes desfrutar ata finais de setembro. Unha escolma de libros, revistas, música e películas seleccionadas con motivo da Campaña de verán Móvete’17 do servizo de Turismo Xuvenil do Centro Municipal de Información Xuvenil.

Música de distintas épocas e estilos, na que atoparedes grupos como The Cure ou AC/DC e artistas máis próximos, como Sés ou Xoel López, aos que puidemos ver fai uns días nas Festas de María Pita.

Se vos pedimos que digades unha canción do grupo noruegués A-ha, seguramente se vos veña á cabeza Take on Me, que con 7.000.000 de copias é un dos sinxelos máis vendidos do mundo. Considerada un One-hit wonder (flor dun dia), foron precisas tres versións do tema para que se convertise nun éxito, en gran parte grazas ao segundo e revolucionario videoclip polo que obtiveron seis premios MTV Video Music en 1986. Nel vemos aos membros da banda en animacións debuxadas a lápis e en escenas filmadas en vivo. O vídeo conta con numerosas parodias, como a de Dustin McLean, que cambiou a letra do tema para que describise o que sucedía en cada plano.

A Rush Of Blood To The Head (2002), o segundo álbum de estudio da banda británica Coldplay, está marcado polo 11S, xa que os atentados tiveron lugar unha semana antes de que comezaran a gravación do mesmo, o que influíu no estado anímico á hora de compoñer. O terceiro sinxelo deste traballo, Clocks foi composto nunha das últimas sesións de gravación, e inicialmente, pensaron deixalo para o terceiro álbum. O tema desprende un ton de desesperación, cunha letra críptica e cargada de contradicións. Coldplay vendeu máis de 13.000.000 de discos de A Rush Of Blood To the Head, que obtivo o Grammy a mellor álbum de rock alternativo, mentres que Clocks foi elexida grabación do ano, sendo hoxe en día un dos seus temas máis exitosos.

O zaragozano Enrique Bunbury lanzou en 1999 Pequeño, o seu segundo álbum en solitario. Neste traballo do ex vocalista e líder de Héroes del Silencio incluíase El extranjero, un tema que fala do desarraigamento, de sentirse foráneo na túa terra e pertencente a un lugar remoto.

Á cantante e actriz estadounidense Macy Gray comezou a súa carreira musical de casualidade: un amigo lle pediu que escribise letras para o seu grupo, e cando o vocalista non se presentou no estudio de gravación convidárona a substituílo. Pouco despois fichou por unha discográfica, e co primeiro álbum, On How Life Is (1999), chegou o éxito grazas ao tema I Try polo que recibiu o Grammy á mellor intérprete pop feminina. O vídeo musical de I Try, gravado en distintos lugares de Nova York, obtivo o MTV Video Music Award a Mellor Artista Novo.

Lembrade que na Biblioteca Fórum podedes levar os álbums dos traballos seleccionados. Pero mentres, aquí tedes a Lista de reprodución ao completo.

A-Ha – Take on Me. AC/DC –Black in Black. Adele –Someone Like You. Amy MacDonald –Let’s Start a Band. AndresCalamaro (int.: Los Pericos) – Flaca. Bonnie Tyler – It’s a Heartache. Bruce Springsteen – My Hometown. Coldplay – Clocks. Elton John – Crocodile Rock. Enrique Bunbury – El extranjero. Hombres G – Venecia. Led Zeppelin – Stairway To Heaven. Loquillo y los Trogloditas – Cadillac solitario. Macy Gray – I Try. Maria Rita – Encontros e Despedidas. Marlango – Lo que sueñas vuela. Oasis – Wonderwall. Russian Red – Cigarettes. Sés – Canto aquí canto na Habana. Simon & Garfunkel – America. Steppenwolf – Born To Be Wild. The Beatles – She’s Leaving Home. The Cure – Close to me. The Doors – Roadhouse Blues. XoelLópez – Patagonia. Zaz – Je veux.

Lista de Reprodución Fórum: os nosos recomendados

Na Biblioteca Fórum seguimos con De Acordes, a nosa mostra bibliográfica dedicada á música. Así que para este mes, entre tódolos compañeiros elaboramos unha Lista con algúns dos nosos discos favoritos.

E como somos tan distintos, obtivemos unha selección realmente variada, na que vos atoparedes con temas chill out, post-metal, gypsy jazz, soul, folk, rock, pop, música popular brasileira e ata temas de película. Agardamos que vos guste.

O cantante e compositor de música soul Benjamin Duterde, coñecido polo seu nome artístico Ben L’Oncle Soul, era un apaixonado do soul e a música negra desde antes de nacer por herdanza materna. Comezou a súa carreira musical no 2004 nun grupo góspel chamado Fitiavana. Nos inicios da súa carreira en solitario facíase chamar Oncle Ben, pero en 2009 cambiouno, para evitar equívocos coa marca de arroz Uncle Ben’s. Ademais do soul, tamén lle gusta o hip-hop e colaborou, tanto no escenario, como compoñendo temas, con artistas como Oxmo Puccino ou Hocus Pocus. O seu primeiro álbum Ben L’Oncle Soul (2010) conta con cancións en inglés e francés, que desprenden bo humor e recrean as décadas dos 50, 60 e 70. Destacamos Little Sister, que tamén ten cunha versión en francés.

Pianista, compositor, contrabaixista, director de big band e activista contra o racismo, Charles Mingus, icona do jazz da segunda  metade do século 20, definía o jazz como “a música clásica negra”. Autodeclarado discípulo de Duke Ellington, este xenio musical só durou tres días na súa orquestra, pois o seu carácter irascible e temperamental tróuxolle numerosos problemas, causando mesmo confrontacións en medio de concertos. Mingus Ah Um (1959) é un dos seus discos cume, no que cada tema considérase unha clase de jazz, talento, furia e creatividade. Como  Goodbye Pork Pie Hat, un blues lento dedicado a Lester Young.

A banda británica Coldplay, lanzou en 2011 Mylo  Xyloto, o seu quinto álbum de estudo. Un traballo que “fala sobre dúas personaxes tentando atopar o amor e a felicidade nun mundo opresivo”. O disco comezou sendo acústico e foi evolucionando ata incorporar notas electrónicas. Paradise, o segundo sinxelo, foi escrito por Chris Martin para o gañador da séptima edición do programa The X Factor, pero o baterista Will Champion convenceuno de que deixala para o disco. O tema conta con dous vídeos musicais, un dirixido por Hype Williams (co que a banda non quedou del todo satisfeita), e o que vos deixamos a continuación, de Mat Whitecross, cuxa trama e concepto foron ideados por Chris Martin, quen interpreta ao home disfrazado de elefante que escapa do Zoo de Londres buscando o seu fogar.

Nacida a mediados dos 80, a banda estadounidense Neurosis ten un son moi orixinal e diverso, froito das súas variadas influencias (Joy Division, Pink Floyd e Black Sabbath entre outros). Desencadeantes da corrente post-metal, a súa música foi a base da carreira musical de grupos como Isis ou Cult of Luna. The Eye of Every Storm (2004), o seu oitavo álbum de estudo, é considerado a obra mestra do grupo, sendo máis melódico que os seus traballos anteriores. Destacamos Left To Wander.

Se queredes descubrir os álbums que seleccionamos para vós e levalos en préstamo, lembrade pasar pola Biblioteca Fórum. Pero mentres, aquí tedes a Lista de Reprodución ao completo:

Adele – All I Ask. Antonio Vega – Lucha de giantes. Aretha Franklin – I Say a Little Prayer. Ben L’Oncle Soul – Little Sister. Bruce Springsteen – Thunder Road. Bruno Mars – Locked Out Of Heaven. Caetano Veloso – Você é linda. Carlos Núñez – Alborada de Rosalía. Charles Mingus – Goodbye Pork Pie Hat. Coldplay – Paradise. Compay Segundo – Anita. Cult of Luna – Circle.  Edith Piaf – Non, Je ne regrette rien. El Kanka – A desobedecer. India Martínez – Los Gatos no Ladran. Iván Ferreiro – Turnedo. John Legend – Start a Fire. La Bien Querida – A.D.N. Iron Maiden – The Wicker Man. Mika – Happy Ending. Muchachito – Me tienes frito. Neil Diamond – Sweet Caroline. Neurosis – Left to Wander. Nina Simone – Since I Feel for You. Queens of the Stone Age – If Only. Red Hot Chili Peppers  – By the Way. Venus in Motion – This Woman. Zaz– Cette Journée.

Novidades Musicais na Biblioteca Forum

Chegou a primavera e con ela novas referencias musicais na Biblioteca Municipal Forum Metropolitano:

1. A head full of dreams / Coldplay (Parlophone, 2015)
2. Adele 25 / Adele (XL Recording, 2015)
3. Blackstar the new álbum / David Bowie (Sony, 2015)
4. Extra  Mundi / Luar na Lubre (Warner, 2015)
5. Gau Ama / WAS (Mushroom Pillow, 2016)
6. Me matas si me necesitas / Quique González & Los Detectives (Cultura Rock, 2016)
7. The tambourine man / Xabier Díaz e Adufeiras de Salitre (Músicas de salitre, 2015)
8. Vivir sin miedo / Buika (Warner, 2015)

O pase de diapositivas require JavaScript.

 

Lista de Reproducción Forum Abril 2014: Ritmos primaverais

Xa está aquí a primavera, e despois de tanta choiva parece que o tempo comeza a dar unha tregua, comezamos por fin a ver días soleados. Días que a moitos nos apetece acompañar de música en directo e estrañamos aquela época de festivais, de ver moitos grupos en directo, aqueles que nos gustan de sempre e outros tantos que descubrimos, de desfrutar en boa compañía de bailar e de divertirse.

E precisamente esas sensacións son as que queremos evocar coa nosa Lista de Reproducción do Forum do Mes de Abril.

Madonna é sen dúbida unha desas artistas que transmite enerxía e boas vibracións, os seus estribillos soen ser destacados pola crítica como pegadizos, tal é o caso de Give Me All Your Luvin. Comercialmente o single foi un éxito, alcanzando o número un en Canadá, Finlandia, Hungría, Israel e Venezuela.

Are You Gonna Go My Way é o terceiro álbum de estudo de Lenny Kravitz lanzado o 9 de marzo de 1993. O álbum tivo unha boa acollida polos fans e polos críticos da música e ainda hoxe é considerado como un dos mellores traballos de Kravitz.

De Simply Red, consolidado como o grupo branco de Soul máis importante de Inglaterra, e con Mick Hucknall como carismático líder, cantante e compositor, destacamos Stars, o seu cuarto disco cheo de temas exitosos.

E sen entrar no debate de plaxio ou non, o certo é que nesta Lista que pretende dar pulos e encher de boas vibracións non podía faltar Viva la vida de Coldplay. Violoncelos, violas, violíns que perseguen frases sinxelas pero efectivas. O piano nun segundo plano, timbais, sintetizadores… os coros… Un subidón, un Viva a vida!

Aqui che deixamos a Lista completa para que a escoites, a sintas, e a desfrutes.

ABBA – GOLD – Promo 2012, American Skin – 41 Shots, Billy Joel – The Stranger, Blondie – Heart Of Glass, Bon Jovi – Always, Coldplay – Viva La Vida, David Bowie – Pablo Picasso, Dire Straits – Tunnel of Love Music Video, George Harrison – Love Comes To Everyone, James Blunt – Face The Sun, Jamie Cullum – Edge Of Something, Lenny Kravitz – Are You Gonna Go My Way, Madonna – Give me all your Luvin, Marvin Gaye – Mercy, Mercy Me, Phil Collins – This Must Be Love, Psychologial – Pet Shop Boys – Cubism, QUEEN – Crazy Little Thing Called Love, Rod Stewart – Crazy About Her, Seal – Right Life – Domingão do Faustão, Sgt. Pepper’s Lonely Hearts Club, Band – The Beatles, Simply Red – Stars, Something To Do-Depeceh Mode live, Supertramp – Goodbye stranger, The Jackson 5 – Ready or not (Here I come), Tracy Chapman – Baby Can I Hold You (1998), Zucchero – Eric Clapton (Wonderful World)

 

Lembra que se queres levar en préstamo para a casa algún destes discos ou outros  podes consultar a dispoñibilidade dos materiais no Catálogo de Bibliotecas Municipais.