Lista Reprodución Fórum: As nosas letras

Se o pasado mes houbo unha lista especial polo Día do Libro, agora polo Día das Letras Galegas fixemos unha selección de grupos da nosa terra. E é que canten en galego ou non, estes artistas levan polo mundo o noso sentir.

Os vilagarcianos The Cornelius conseguiron traspasar fronteiras. Aínda que levan dez anos como grupo, son moitos os que o coñecen polo nome que se viron obrigados a adoptar cando lanzaron o seu segundo álbum, 1960 (2009), que saíu á vez en 30 países. E é que naquel entón, había un DJ xaponés que se chamaba como eles, e para evitar confusións decidiron chamarse Cornelius 1960.

No 2010 participaron no triple disco tributo a The Beatles con motivo 50º aniversario da formación da banda. Un proxecto dirixido e autorizado por Yoko Ono, no que ademais dos de Vilagarcía, tomaron parte 58 artistas, entre os que hai un bo número de galegos, como: Rosa Cedrón, Xoél López, Faltriqueira, Stereotipos, Milladoiro, Silvia Pendide, Uxía, Miguel Costas, Susana Seivane ou Los Mecánicos. Nel se incluía a versión de Cornelius de Drive My Car.

Nos seus máis de 12 anos como grupo, os coruñeses Escuchando Elefantes compartiron experiencias con Glen Hansard, Markéta Irglová, Paddy Casey, Bono, Lisa Hannigan, Hozier ou Sinead O’Connor, entre outros.

O pasado ano Silvia e Carlos lanzaron o seu terceiro disco, Hope. Os que eran uns dos mellores representantes do folk inglés no noso país,  están deixando esa etapa atrás, e con este álbum fixeron a música que, nas súas palabras, mellor lles representa. Nel, o folk deixa sitio ao rock, tornándose máis eléctricos e enérxicos. Destacamos Ready, unha das cancións máis escuras do álbum.

 

Tras pasar por formacións como Alcatre, Voyeur e La Rosa (coa que grabou catro discos), Magín Blanco desapereceu da escea musical unha boa tempada, pero continuou escribindo cancións. No 2010 lanzou o seu primeiro álbum en solitario, Ella, onde atopamos cancións íntimas, persoais e emocionais, como Veño ou vou?. Neste traballo contou coa colaboración de Nancho Novo, Laura Arbiol, Gloria Van Aerssen e Uxía Senlle.

Despois doutros dous traballos en solitario, decide facer un cambio e dedicarse ao público máis complicado, o infantil, para fomentar o amor pola música dos máis pequenos con temas que transmiten valores como a solidariedade, a liberdade e a alegría.

Os ourensáns Lamatumbá mesturan estilos como a cumbia, o reggae, o pasodoble, o rock ou o folk levando polo mundo adiante o espíritu da verbena. As súas son cancións alegres, con letras que na maioría das ocasións van acompañadas da crítica social e buscan honrar a tradición galega. Desde a súa formación en 1998 compartiron escenario con Manu Chao, Macaco, Barón Rojo, Betagarri ou Mau Mau. En 2010 lanzaron o seu último traballo,  A Órbita da Banda Hipnótica, con temas como Circus Magnificus.

Aquí tedes a Lista de Reprodución ao completo. Se queredes os levar os álbums dos temas seleccionados, podédelos atopar no espazo que temos dedicado á Lista na Biblioteca Fórum. Agardámosvos!

Cornelius 1960 – Drive my car.  Deluxe – El antihéroe. Dios Ke Te Crew – Dame ighual. Escuchando Elefantes – Ready. Félix Arias – Manchados de tinta. Jane Joyd – Landscape No.4. Lamatumbá – Circus Magnificus. Leilía – Vai dando a volta. Los 22 – No sé que ver. Magín Blanco – Veño ou vou?. Na Lúa – Nunca máis. Nadadora – Una nueva vida. Nouvelle Cuisine – Sintonía08. Piratas – Inevitable. Ruxe Ruxe – A Santa Compaña. Sevigny – Breathe. Steelwood – We Don’t Mind. Stereotipos – La última escena. Trasmundi – Raianos. Xoán Eiriz – Lela.

Lista Reprodución Fórum: vidas truncadas

Accidentes, adicións, enfermidades, desaparicións… hai veces que as voces se apagan pronto e os instrumentos deixan de soar.  Janis Joplin, Cecilia, Narf ou Brian Jones son só algúns dos artistas que marcharon pronto, pero dos que sempre quedará a súa música. Este mes, escollemos temas de artistas cuxa vida rematou moi cedo para a Lista de Reprodución.

Crecido nos guetos de Xamaica, Robert Nesta Marley, mellor coñecido como Bob Marley, chegou a ser un icono mundial. Membro do movemento rastafari, continúa a ser o máis coñecido e respetado intérprete da música reggae, e obtivo a Orde do Mérito de Xamaica en recoñecemento a súa contribución á cultura do país. Foi líder, compositor e guitarrista de The Wailers. Burnin (1973) foi o sexto álbum de estudio da banda e o último que contou cos membros fundadores da mesma, Peter Tosh y Bunny Wailer. Trala súa marcha, fundou Bob Marley & The Wailers. Destacamos Get Up, Stand Up, un dos seus clásicos, e o último tema que tocou nun escenario antes de morrer aos 36 anos pola metástase do que comezara coma un melanoma no dedo do pe dereito.

O estadounidense Marvin Gaye foi un dos artistas máis relevantes do Motown Sound. Sen embargo, non tivo unha vida fácil. A morte de Tammi Terrell, a súa compañeira nos escenarios afectoulle fortemente, e o abuso das drogas levoulle a unha depresión que lle facia pensar que o perseguían para matalo, polo que comprou varias armas. A víspera do seu 45 cumpreanos, durante unha discusión, recibiu dous disparos cunha destas armas por parte do seu pai, poñendo fin a súa vida. 

Un dos grandes éxitos de Marvin Gaye é I Heard It Throught The Grapevine, un tema de Norman Whitfield e Barrett Strong, que xa grabaran os Miracles sen convencer ao dono da discográfica, a quen tampouco lle gustara a versión de Gaye. E que non puido sair a luz ata que Gladys Knight & The Pips a interpretaron. Isto fixo posible que Gaye a incluise no seu álbum In The Groove (1968), convertíndose no clásico soul que é.

A banda galesa Manic Street Preachers é coñecida polo contido político dos seus temas, pero tamén polo que foi o seu letrista e guitarrista, Richey James Edwards. Edwards desapereceu en 1995 sen deixar rastro, e aínda que en máis dunha ocasión hai quen afirma habelo visto na India, e mesmo nas Illas Canarias, foi dado por morto fai dez anos.

Os membros do grupo estiveron durante anos convencidos de que volvería, de feito no primeiro concerto trala desaparición deixaron o seu micro no escenario e durante anos gardaron a parte que lle correspondía dos ingresos do grupo. En 1996 lanzaron Everything Must Go, o seu primeiro álbum dende a desaparición de Edwards, e no que se incluían cinco temas que compuxera. Entre estas estaba Kevin Carter, un tema sobre a tráxica  vida do fotógrafo do mesmo nome, que gañara o Pulitzer en 1994.

Só chegou a lanzar un álbum, Grace (1994), pero foi abondo para que o cantautor estadounidense Jeff Buckley fose considerado unha das mellores voces de tódolos tempos, e o seu traballo unha obra mestra. Fillo do tamén músico Tim Buckley (que tamén podería estar na nosa lista, pois faleceu os 28 anos por unha sobredose), Jeff afogouse cando nadaba nun embarcadeiro de Memphis aos 30 anos. Atopábase grabando o seu segundo disco. Tamén coñecido pola súa versión do Hallelujah de Leonard Cohen, que axudou a que acadase a fama que ten hoxe en día, del destacamos Mojo Pin, un tema que fala dunha dolorosa historia de amor.

 

Se queredes levar os traballos dos temas seleccionados, lembrade que os podedes atopar na Biblioteca Fórum, pero mentres, aquí tedes a Lista de Reprodución ao completo.

Amy Winehouse – Valerie. Camarón de la Isla – Nana del caballo grande. Carlos Gardel  – Volver. Carpenters – (They Long To Be) Close To You. Elvis Presley – Yesterday / Hey Jude. Freddie Mercury – Living On My Own. Jeff Buckley – Mojo Pin. Jimi Hendrix – Voodoo Child. John Lennon – Stand By Me. La Buena Vida – Reacción en cadena. Los Secretos – Ojos de gata. Manic Street Preachers – Kevin Carter. Marvin Gaye – I Heard It Through The Grapevine. Michael Jackson – You Rock My World. Mozart – Alla Turca. Nino Bravo – Puerta de amor. Nirvana – Pennyroyal Tea. Parálisis Permanente – Jugando a las cartas. Prince – 1999. Robert Johnson – Cross Road Blues. Sex Pistols – God Save The Queen. The Doors – L.A. Woman. The Wailers – Get Up, Stand Up. Tino Casal – Los pájaros. Víctor Jara – Canto libre. Whitney Houston – One Moment In Time

Lista Reprodución Fórum: a Revolución Musical

Na Biblioteca Fórum estamos revolucionados. E é con motivo do centenario da Revolución Rusa temos un ciclo temático adicado a este feito clave. Por iso, na lista deste mes reunimos algúns artistas e temas clave na historia da música.

Comezamos con Ray Charles, o rey da música soul tal e como a coñecemos. No cantante, saxofonista e pianista de Georgia, converxían de forma natural a música sagrada e profana. A súa carreira está plagada de grandes éxitos, como I Got a Woman, Hit the Road Jack ou Mess Around. Deixámosvos con Georgia on My Mind, o tema de 1930 escrito por Hoagy Carmichael e Stuart Gorrell, que popularizou Ray Charles, e foi adoptado como himno polo Estado que o viu nacer.

Considerada unha das voces máis importantes da historia do jazz, Amy Winehouse renovou o panorama musical co seu particular timbre de voz. O memorable tema You Know I’m No Good foi incluído no seu segundo e último álbum de estudio Back to Black (2006), que obtivo un Brit Award e 5 Grammys, convertíndoa na primeira artista birtánica en obtelos nunha mesma edición.

Como non podía ser doutro xeito, nesta lista temos que facer referencia á Movida. Época na que xurdiron Gabinete Caligari, Mecano, Nacha Pop ou Radio Futura, entre outros, convertidos hoxe en grupos de culto.

Pese aos cambios na súa formación orixinal, Radio Futura foi precursor do rock latino, e é considerato un dos grupos rock máis importantes na historia da nosa música por encadear sucesivos éxitos na década dos 80. Versionada polo grupo infantil Bom Bom Chip e posteriormente por Rosario Flores, Corazón de tiza (1990) foi criticada pola súa falta de orixinalidade. Sen embargo, foi un dos seus últimos éxitos antes da disolución, trala que os seus integrantes fundamentáis (Santiago e Luis Auserón e Enrique Sierra) continuaron a súa carreira en solitario.

E se incluimos á Movida , non podemos esquecer o movento musical aparecido en Galicia a principios dos anos 90, o bravú. Ese rock rural con letras combativas e un sentido do humor orientado ao rural, no que destacaron agrupacións como Heredeiros da Crus, Os Diplomáticos de Monte Alto, Os Resentidos ou Yellow Pixoliñas.

O grupo de Monforte de Lemos  lanzou en 1996 o seu derradeiro disco, Non pises a herba!, do que destacamos Addy stripped, no que como en moitos dos seus temas, mesturan galego e inglés.

A continuación vos deixamos a Lista de Reprodución ao completo. Para levar os álbums dos traballos seleccionados lembrade pasar pola Biblioteca Fórum. E se queredes información sobre as actividades ou botarlle un ollo ás guías do noso ciclo temático 100 anos da Revolución Rusa, tédelas aquí.

Amy Winehouse – You Know I’m No Good. Aretha Franklin – Think. Bob Dylan – Like a Rolling Stone. Celtas Cortos – Cuéntame un cuento. Chuck Berry – Maybellene. David Bowie – RebelRebel. Elvis Presley – Jailhouse Rock. Eurythmics – Sweet Dreams (Are Made of These). Gabinete Caligari – Camino Soria. Gloria Gaynor – I Will Survive. Jefferson Airplane – White Rabbit. John Lennon – Imagine. Lady Gaga – Poker face. Marvin Gaye – What’s Going On. Nacha Pop – La chica de ayer. Mecano – El 7 de septiembre. Os Resentidos – Galicia cannibal (fai un sol de carallo). Pink Floyd – Comfortable Numb. Queen – Bohemian Rhapsody. Radio Futura  –Corazón de tiza. Ray Charles – Georgia On My Mind. The Doors – Light My Fire. The Rolling Stones – (I Can´t Get No) Satisfaction. The Velvet Underground & Nico – Heroin. The Who – Baba O’Riley. Yellow Pixoliñas – Addy Stripped.

Lista Reprodución Fórum: setembro con ritmo

Este mes traémosvos unha Lista con temas para levantar o ánimo na volta á rutina, prepararvos de cara á Programación Lírica e os próximos concertos que terán lugar na nosa cidade, así como para os artistas que estarán estes días no Festival de la Luz.

Polos escenarios de Boimorto pasarán nesta sexta edición máis de corenta grupos; entre eles Igloo. O segundo traballo dos pontevedreses, La transición de Fase (2009), como ben indica o nome, supuxo un gran cambio ata no seus membros, quedando só Beni Ferreiro da formación orixinal. Sen embargo, conseguiron conservar a súa esencia. Destacamos Sin mentiras.

O 23 de setembro, por vez primeira dentro da programación Lírica, poderase desfrutar na nosa cidade da ópera de Donizetti Lucrezia Borgia. Mentres agardamos para escoitar ao tenor Celso Albelo e á soprano Mariella Devia, que probablemente será a última vez que cante unha ópera completa en España, podedes escoitar a aria Com´è bello interpretada pola gran Maria Callas.

Ben entrado outubro chega Tequila. Trala súa efímera volta en 2008, Ariel Rot e Alejo Stivell atópanse de novo para rescatar a actitude e as letras hipnotizantes que converteron ao grupo hispano-arxentino en esencial para o desenvolvemento do rock en España. Prácticamente seguro que interpretarán o seu clásico Rock and Roll en la plaza del pueblo. Pero nos destacamos Rock and Roll, do seu segundo disco, que supuxo unha gran evolución.

Os canadenses Arcade Fire lanzaron en 2004 Funeral, o seu primeiro álbum de estudio. O nome do débese a que durante a súa grabación faleceron varios familiares dos seus membros. O tema Wake Up, elixido por Spotify como unha das 20 cancións perfectas para erguerse, foi utilizado por U2 para abrir os seus concertos do Vertigo Tour, do que os canadenses foron teloneiros. En 2005 grabaron unha versión con David Bowie.

Se quedastes con ganas de asistir ao concerto de Vega (cancelado por motivos de saúde), podédes atopar un dos seus temas na Lista de Reprodución ao completo. E se queredes levar os álbums dos traballos seleccionados, podédelos atopar na Biblioteca Fórum. Agardámosvos!

Ara Malikian – Backgammon. Arcade Fire – Wake Up. Bruno Mars  – Looked Out Of Heaven. Dani Martín – Mi teatro. Depedro – Ella sabía. Diana Navarro – Brindo por ti. Donizetti (int. Maria Callas) – Com´è bello. Eladio y los seres queridos – El hundimiento. Gioacchino Rossini – Largo al factotum       . Giuseppe Verdi – Teco io sto gran Dio. Gossip – Heavy Cross. Igloo – Sin mentiras. Imagine Dragons – On Top Of The World. Jarabe de Palo – Déjame. León Benavente – Muy fuerte. Mago de Oz – Hasta que el cuerpo aguante. Mario Lanza – La donna é moible. Pink – So What. Renata Scotto – He Shall feed his flock. Rosendo – Tú que … Yo que. Siniestro Total – Quienes somos. Tequila – Rock and Roll en la plaza del pueblo. Vampire Weekend – A-Punk. Vega – La cuenta atrás. Xabier Díaz e Adufeiras de Salitre  – Cantiga da montaña. Xoan Curiel  – Policromía.

Lista de Reprodución Fórum: Viaxando… con música

Este mes traémosvos unha Lista pensada para acompañarvos nas vosas viaxes e complementaria a Pérdete… viaxando, a mostra do verán da Biblioteca Fórum, da que podedes desfrutar ata finais de setembro. Unha escolma de libros, revistas, música e películas seleccionadas con motivo da Campaña de verán Móvete’17 do servizo de Turismo Xuvenil do Centro Municipal de Información Xuvenil.

Música de distintas épocas e estilos, na que atoparedes grupos como The Cure ou AC/DC e artistas máis próximos, como Sés ou Xoel López, aos que puidemos ver fai uns días nas Festas de María Pita.

Se vos pedimos que digades unha canción do grupo noruegués A-ha, seguramente se vos veña á cabeza Take on Me, que con 7.000.000 de copias é un dos sinxelos máis vendidos do mundo. Considerada un One-hit wonder (flor dun dia), foron precisas tres versións do tema para que se convertise nun éxito, en gran parte grazas ao segundo e revolucionario videoclip polo que obtiveron seis premios MTV Video Music en 1986. Nel vemos aos membros da banda en animacións debuxadas a lápis e en escenas filmadas en vivo. O vídeo conta con numerosas parodias, como a de Dustin McLean, que cambiou a letra do tema para que describise o que sucedía en cada plano.

A Rush Of Blood To The Head (2002), o segundo álbum de estudio da banda británica Coldplay, está marcado polo 11S, xa que os atentados tiveron lugar unha semana antes de que comezaran a gravación do mesmo, o que influíu no estado anímico á hora de compoñer. O terceiro sinxelo deste traballo, Clocks foi composto nunha das últimas sesións de gravación, e inicialmente, pensaron deixalo para o terceiro álbum. O tema desprende un ton de desesperación, cunha letra críptica e cargada de contradicións. Coldplay vendeu máis de 13.000.000 de discos de A Rush Of Blood To the Head, que obtivo o Grammy a mellor álbum de rock alternativo, mentres que Clocks foi elexida grabación do ano, sendo hoxe en día un dos seus temas máis exitosos.

O zaragozano Enrique Bunbury lanzou en 1999 Pequeño, o seu segundo álbum en solitario. Neste traballo do ex vocalista e líder de Héroes del Silencio incluíase El extranjero, un tema que fala do desarraigamento, de sentirse foráneo na túa terra e pertencente a un lugar remoto.

Á cantante e actriz estadounidense Macy Gray comezou a súa carreira musical de casualidade: un amigo lle pediu que escribise letras para o seu grupo, e cando o vocalista non se presentou no estudio de gravación convidárona a substituílo. Pouco despois fichou por unha discográfica, e co primeiro álbum, On How Life Is (1999), chegou o éxito grazas ao tema I Try polo que recibiu o Grammy á mellor intérprete pop feminina. O vídeo musical de I Try, gravado en distintos lugares de Nova York, obtivo o MTV Video Music Award a Mellor Artista Novo.

Lembrade que na Biblioteca Fórum podedes levar os álbums dos traballos seleccionados. Pero mentres, aquí tedes a Lista de reprodución ao completo.

A-Ha – Take on Me. AC/DC –Black in Black. Adele –Someone Like You. Amy MacDonald –Let’s Start a Band. AndresCalamaro (int.: Los Pericos) – Flaca. Bonnie Tyler – It’s a Heartache. Bruce Springsteen – My Hometown. Coldplay – Clocks. Elton John – Crocodile Rock. Enrique Bunbury – El extranjero. Hombres G – Venecia. Led Zeppelin – Stairway To Heaven. Loquillo y los Trogloditas – Cadillac solitario. Macy Gray – I Try. Maria Rita – Encontros e Despedidas. Marlango – Lo que sueñas vuela. Oasis – Wonderwall. Russian Red – Cigarettes. Sés – Canto aquí canto na Habana. Simon & Garfunkel – America. Steppenwolf – Born To Be Wild. The Beatles – She’s Leaving Home. The Cure – Close to me. The Doors – Roadhouse Blues. XoelLópez – Patagonia. Zaz – Je veux.

Lista de Reprodución Fórum: a música do verán

Xa entramos na temporada estival, e con ela chegan a maior parte dos festivais, polo que este mes centrámonos nos artistas que acturarán no Noroeste Estrella Galicia e naqueles dos que poderemos gozar na nosa cidade. Pero tamén atoparedes grupos que pasaron ou pasarán polo Resurrection Fest, o Festival do Mundo Celta ou o PortAmérica.

En agosto A Coruña entra en festa, comezando polo concerto de Xoel López o día 1;  seguirá o de Miguel Bosé o día 6. O cantante español, colombiano e italiano chega a María Pita dentro da súa xira Estaré, na que repasa os seus 40 anos no mundo da música, con éxitos como Linda, Nena, Bandido… ou Bambú, un tema a piques de cumprir a maioría de idade, incluído no álbum Los chicos no lloran (1990).

Na súa trixésimo segunda edición, o Noroeste segue a medrar. Se o pasado ano foron 60 as bandas participantes, este ano, ente o 8 e o 13 de xullo, máis de 100 artistas levarán a súa música  a 15 escenarios diferentes. Como cabeza de cartel temos á banda escocesa de rock alternativo The Jesus and Mary Chain, a quen seguirán Iván Ferreiro, Surfin’ Bichos e Kaiser Chiefts. O grupo británico lanzou en 2008 o seu terceiro álbum, Off with Their Heads, cuxo primeiro single foi Never Miss a Beat.

Pero ademais dos grupos internacionais, teremos a sorte de esocoitar bandas locais e nacionais. Como a galega Eladio y los seres queridos, que en 2016 lanzou Cantares, Premio MIN da Música Independente ao Mellor álbum en galego. Un traballo no que fan unha homenaxe ao noso cancioneiro tradicional, e que chegou dous anos despois de Orden Invisible (2014). O seu disco máis eléctrico e que en palabras deles “trataba de capturar momentos máxicos”. Nel incluíronse cancións maduradas co tempo, como Seremos Santos Inocentes, que fala de como o tempo é unha trampa mental.

Un pouco antes, como  vos comentábamos no post anterior, teremos a Juan Luis Guerra por terceira vez no Coliseum. O cantautor dominicano, ganador de 18 Grammy Latinos, e con máis de 30 millóns de discos vendidos, chega para facer bailar ao público a ritmo de bachata, merengue, salsa e son con Todo tiene su hora (2014), o seu decimo terceiro álbum de estudio, que compuxo íntegramente. O videoclip do tema que da nome ao disco, e que foi dirixido polo seu fillo, obtivo en 2016 o  Premio Videoclip Awards ao Mellor vídeo musical de Merengue.

Aquí tedes a Lista de Reprodución ao completo. Se queredes levar en préstamo os álbums dos traballos seleccionados agardámosvos na Biblioteca Fórum.

Ala.Ni – Ol’Fashined Kiss.  Amaral– No existen los milagros.  Ánima – Bajo Cero. Antonio Orozco – No hay más. Arch Enemy – I Will Live Again. Aviador Dro – Aviador Dro, ¿dígame? Cántigas e Agarimos – A Virxe de Guadalupe.  Carlos Jean – Have a Nice Day. Eladio y los seres queridos – Seremos Santos Inocentes. Emilio José – Febreiro. Franco Battiato – Haiku. Iván Ferreiro – Farenheit 451. Joaquín Sabina – La del pirate cojo. Juan Luis Guerra – Todo tiene su hora. Kaiser Chiefs – Never Miss a Beat. Miguel Bosé – Bambú. Niños Mutantes – El miedo. Novedades Carminha – Devórame otra vez. Rammstein – Reise, Reise. Raül Refree – Mejor ahora. Rodrigo Leão – Lonely Carousel. The Jesus and Mary Chain – Just Like Honey. Triángulo de amor bizarro – El himno de la bala. Vanesa Martín – Complicidad. Xoán Curiel – Asa. Xoel López– La gran montaña.

Lista de Reprodución Forum: ritmos do mundo

Achégase a tempada estival e para celebralo, convidámosvos a unha viaxe na que, sen preocuparnos de maletas, visados, trasbordos, etc.,  nos achegaremos a ritmos africanos, asiáticos, europeos e americanos.

Comezamos o percorrido por Europa, onde nos atopamos con músicos de Portugal, Inglaterra, Finlandia e Grecia; como a Raíña do Fado, Amalia Rodrigues, quen compuxo o poema Ó Gente da Minha Terra, tema popularizado por Mariza; Talvin Singh, coñecido pola súa fusión de música clásica india, batería e baixo. Tamén visitamos á considerada “a voz da Grecia contemporánea”, Elefthería Arvanitáki. O seu tema Dinata, incluído no álbum Quédome fora (1991), mestura influencias balcánicas e música electrónica, e foi interpretado na cerimonia de clausura dos Xogos de Atenas (2004). Ambos, canción e disco, foron fundamentais para convertela na cantante helénica máis internacional.

Continuamos cun pouco de música de Mali, Senegal, Serra Leona, Camerún, Guinea Ecuatorial, República Democrática do Congo, Sudáfrica, Etiopía e Exipto. No continente africano, desfrutamos da música de Baaba Maal, un dos músicos senegales máis coñecidos; e Hijas del Sol, o dúo afropop formado por Piruchi Apo e Paloma Loribo. No seu primeiro álbum, Sibèba (1995) combinan temas compostos por elas e a música tradicional bubi (da illa de Bioko, en Guinea Ecuatorial), na súa lingua natal e en castelán. Tratan os problemas cos que se atopaban en España os inmigrantes ecuatoguineanos, e as tradicións bubis e católicas. Destacamos o tema que da nome ao disco.

Xa en Asia, imos cara Israel e a India. Na primeira parada escoitamos a Yasmin Levy, filla do musicólogo Yitzhak Levy, co seu particular xeito de interpretar a música xudeo-española medieval. Fusiona sons flamencos e instrumentos tradicionais, como o violín ou o piano.

Seguindo o traxecto lembramos ao virtuoso do sitar, Ravi Shankar. Pai da cantante estadounidense Norah Jones e da directora de orquestra Anoushka Shankar,  o músico hindú máis coñecido do mundo, posuíu o Récord Guinness á carreira  internacional máis longa. Do seu álbum Inside the Kremlim (1988) escoitamos Tarana.

E rematamos a nosa particular volta ao mundo en América. Visitamos Cuba e Arxentina. Aquí a banda Otros Aires, iniciada en España, cautívanos co seu electrotango, no que mestura de música electrónica, sons de principios do século XX e outros contemporáneos.

Antes de volver, facemos unha última escala en Estados Unidos para escoitar a Pura Fé. A fundadora do trío vocal Nativo Americano Ulali, exerce de portavoz da súa comunidade, a tribu tuscarora. E faino a través do seu repertorio musical, ligado ao blues, pero cunha identidade indíxena, que ela interpreta con guitarras hawaianas. Destacamos Let Heaven Show, do seu album Hold the Rain (2007)

Aquí tedes a Lista de Reprodución ao completo. Nela podedes ver unha pequena mostra deses ritmos de arredor do mundo que temos na Biblioteca Fórum. Se queredes continuar esta particular viaxe, non esquezades vir para levar os álbums dos traballos seleccionados.

Amalia, Iago Machado (int. Susana Pereira) – Ó gente da mina terra. Baaba Maal – Tindo Quando. Cheikh Lo – Il N’est Jamais Trop Tard. Dub Colossus – Azmari Dub. Eleftheria Arvanitaki – Dinata. Hijas del Sol – Sibèba. Hossam Ramzy – Gamaal Oyounik. Ismaël Lo – Tajabone. Lokua Kanza – Nakozonga. Manu Dibango – Soul Makossa. Otros Aires – No se. Oumou Sangare – Sounsoumba. Pura Fe – Let Heaven Show. Ravi Shankar  – Tarana. Sanna Kurki-Suonio – Ei Musta. Sierra Leone’s Refugee All Stars – Oruwiebie. Ska Cubano – Cumbia en Do Menor. Smod – Cumbia en Do Menor. Staff Benda Bilili – Moziki. Susheela Raman – Ye Meera Divanapan Hai. Talvin Singh – It’s Not Over. Tinariwen  – Tenhert. Vusi Mahlasela – When you come back. X Alfonso – Ya déjame. Yasmin Levy – Yigdal. Youssou N’Dour –   Couple’s Choice.

Lista de Reprodución Fórum: os nosos recomendados

Na Biblioteca Fórum seguimos con De Acordes, a nosa mostra bibliográfica dedicada á música. Así que para este mes, entre tódolos compañeiros elaboramos unha Lista con algúns dos nosos discos favoritos.

E como somos tan distintos, obtivemos unha selección realmente variada, na que vos atoparedes con temas chill out, post-metal, gypsy jazz, soul, folk, rock, pop, música popular brasileira e ata temas de película. Agardamos que vos guste.

O cantante e compositor de música soul Benjamin Duterde, coñecido polo seu nome artístico Ben L’Oncle Soul, era un apaixonado do soul e a música negra desde antes de nacer por herdanza materna. Comezou a súa carreira musical no 2004 nun grupo góspel chamado Fitiavana. Nos inicios da súa carreira en solitario facíase chamar Oncle Ben, pero en 2009 cambiouno, para evitar equívocos coa marca de arroz Uncle Ben’s. Ademais do soul, tamén lle gusta o hip-hop e colaborou, tanto no escenario, como compoñendo temas, con artistas como Oxmo Puccino ou Hocus Pocus. O seu primeiro álbum Ben L’Oncle Soul (2010) conta con cancións en inglés e francés, que desprenden bo humor e recrean as décadas dos 50, 60 e 70. Destacamos Little Sister, que tamén ten cunha versión en francés.

Pianista, compositor, contrabaixista, director de big band e activista contra o racismo, Charles Mingus, icona do jazz da segunda  metade do século 20, definía o jazz como “a música clásica negra”. Autodeclarado discípulo de Duke Ellington, este xenio musical só durou tres días na súa orquestra, pois o seu carácter irascible e temperamental tróuxolle numerosos problemas, causando mesmo confrontacións en medio de concertos. Mingus Ah Um (1959) é un dos seus discos cume, no que cada tema considérase unha clase de jazz, talento, furia e creatividade. Como  Goodbye Pork Pie Hat, un blues lento dedicado a Lester Young.

A banda británica Coldplay, lanzou en 2011 Mylo  Xyloto, o seu quinto álbum de estudo. Un traballo que “fala sobre dúas personaxes tentando atopar o amor e a felicidade nun mundo opresivo”. O disco comezou sendo acústico e foi evolucionando ata incorporar notas electrónicas. Paradise, o segundo sinxelo, foi escrito por Chris Martin para o gañador da séptima edición do programa The X Factor, pero o baterista Will Champion convenceuno de que deixala para o disco. O tema conta con dous vídeos musicais, un dirixido por Hype Williams (co que a banda non quedou del todo satisfeita), e o que vos deixamos a continuación, de Mat Whitecross, cuxa trama e concepto foron ideados por Chris Martin, quen interpreta ao home disfrazado de elefante que escapa do Zoo de Londres buscando o seu fogar.

Nacida a mediados dos 80, a banda estadounidense Neurosis ten un son moi orixinal e diverso, froito das súas variadas influencias (Joy Division, Pink Floyd e Black Sabbath entre outros). Desencadeantes da corrente post-metal, a súa música foi a base da carreira musical de grupos como Isis ou Cult of Luna. The Eye of Every Storm (2004), o seu oitavo álbum de estudo, é considerado a obra mestra do grupo, sendo máis melódico que os seus traballos anteriores. Destacamos Left To Wander.

Se queredes descubrir os álbums que seleccionamos para vós e levalos en préstamo, lembrade pasar pola Biblioteca Fórum. Pero mentres, aquí tedes a Lista de Reprodución ao completo:

Adele – All I Ask. Antonio Vega – Lucha de giantes. Aretha Franklin – I Say a Little Prayer. Ben L’Oncle Soul – Little Sister. Bruce Springsteen – Thunder Road. Bruno Mars – Locked Out Of Heaven. Caetano Veloso – Você é linda. Carlos Núñez – Alborada de Rosalía. Charles Mingus – Goodbye Pork Pie Hat. Coldplay – Paradise. Compay Segundo – Anita. Cult of Luna – Circle.  Edith Piaf – Non, Je ne regrette rien. El Kanka – A desobedecer. India Martínez – Los Gatos no Ladran. Iván Ferreiro – Turnedo. John Legend – Start a Fire. La Bien Querida – A.D.N. Iron Maiden – The Wicker Man. Mika – Happy Ending. Muchachito – Me tienes frito. Neil Diamond – Sweet Caroline. Neurosis – Left to Wander. Nina Simone – Since I Feel for You. Queens of the Stone Age – If Only. Red Hot Chili Peppers  – By the Way. Venus in Motion – This Woman. Zaz– Cette Journée.

Lista de Reprodución Forum: De acordes e letras

Este mes, co día do libro á volta da esquina e a nova mostra da Biblioteca Fórum, De acordes, adicada á música, presentámosvos unha lista reducida no número de temas, pero na que os discos veñen moi ben acompañados, pois relacionamos libros coas cancións que inspiraron e viceversa. E é que o vínculo entre música e literatura constitúe unha das máis antigas e proveitosas colaboracións entre as distintas manifestacións de arte.

Atoparedes relacións curiosas, como Firework de Katy Perry e Na carretera, de Jack Kerouac; a Caperucita Roja de Ismael Serrano e a versión que fan do clásico Aaron Frisch e o ilustrador Roberto Innocenti; O Aleph de Nena Daconte e o de Borges ou a de O Maestro e Margarita de Mijaíl Bukgákov, que inspirou a Franz Ferdinand, Patti Smith, Pearl Jam e os Rolling Stones, entre outros.

Tras deixar Heroes del Silencio, o cantante, compositor e multinstrumentista zaragozano Enrique Bunbury incluíu no seu primeiro álbum como solista (Radical Sonora) o tema Alicia (expulsada do país das marabillas), unha balada na que nos presenta a unha Alicia menos infantil e inocente, xa que como se pode ver no vídeo musical, non é unha nena. Nesta ocasión a obra que acompaña ao tema de Bunbury é a creada por Àngel Burgas e ilustrada por Ignasi Blanch, Alicia y el país de las maravillas, na que se recrea a forma en que se explicou por primeira vez a historia. Aerosmith, The Beatles, Jefferson Airplane e Marilyn Manson son algúns dos que tamén se basearon na obra máis popular de Lewis Carroll para crear as súas cancións.

O igual que ocurre con gran parte do álbum Diamond Dogs (1974), David Bowie inspirouse para crear o tema 1984 na novela do mesmo nome de George Orwell, e é que o artista británico, fascinado pola obra, quería adaptala para o teatro, pero o proxecto nunca se puido levar a cabo, xa que a viúva de Orwell non deu permiso. Deste álbum saíu outra das persoaxes de Bowie, Halloween Jack, que se caracterizaba polo mono vermello, o aro na orella, o parche no ollo e un pano no pescozo.

Con Pet Sematary, o single do disco Brain Drain (1989), da banda estadounidense Os Ramones, ocorre algo distinto, xa que o tema foi un encargo de Stephen King (fan do grupo), para a película do mesmo nome baseada na obra O ceminterio de animais do mestre do terror. O tema foi un dos grandes éxitos dos Ramones nos 90 e a letra foi composta por Dee Dee Ramone unha hora despois de que King lle dese unha copia da súa novela. O vídeo musical filmouse no cemiterio de Sleepy Hollow, en Nova York e nel móstranse escenas da película e aos Ramones nunha tumba aberta.

A cantante, compositora e actriz estadounidense Lana del Rey inspirouse en numerosas ocasións na literatura para compoñer os seus temas. Tal é o caso de Off the Races, inspirada en Lolita de Nabokov, ou Ultraviolence, canción que dá nome ao seu tecer álbum de estudo (2014), e que é un termo que Anthony Burgess utiliza en A laranxa mecánica para facer referencia aos actos de extrema violencia, normalmente inxustificada e con vícitimas escollidas ao azar. Ultraviolence conta cun refrán moi pegadizo e cunha letra moi escura, na que aparece algunha frase en castelán.

Aquí tedes a Lista ao completo. Lembrade que na Biblioteca Fórum poderedes atopar os traballos dos temas seleccionados e as obras vinculadas.

Black Sabbath – Behind the Wall of Sleep.Bunbury – Alicia expulsada del País de las Maravilas. Café Tacuba – Las Batallas. David Bowie – 1984. Deep Purple– TheMule.Héroes del silencio – La sirena varada. Ismael Serrano – Caperucita. Katy Perry – Firework. Lana del Rey – Ultraviolence. Mago de Oz – Molinos de viento. Nena Daconte – El Aleph.Nirvana – Scentless Apprentice.Pink Floyd – Pigs.Queen – Flash.Ramones – Pet Sematary. Sting – Moon Over Bourbon Street.The Alan Parsons Project – I Robot.The Beatles –Norwegian Wood. The Rolling Stones – Sympathy For The Devil.

Lista de Reprodución Fórum: os concertos que veñen

Este mes retomamos a actualidade musical cunha lista moi variada na que están presentes algúns dos que artistas que teremos en concerto proximamente. Desde Carlos Vives e Ricky Martin, a Raphael e  Michael’s Legacy; o espectáculo en homenaxe a Michael Jackson creado pola Jackson Dance Company, considerado por moitos o mellor tributo ao difunto Rei do Pop. Tamén están incluídos M Clan, Fuel Fandango, Mercedes Peón e Milladoiro, que estiveron na Festa do Queixo de Arzúa.

O grupo de folk celta nacido a finais da década dos 70 a partir da unión dos músicos Antón Seoane e Rodrigo Romaní e a formación tradicional Faíscas do Xiabre, é un dos conxuntos de música celta máis valorados internacionalmente. Con máis dunha vintena de discos ao longo da súa traxectoria, Milladoiro sempre levou a cabo unha labor de recuperación e reivindicación da tradición musical galega, sendo un dos principais embaixadores da nosa cultura por todo o mundo; participando tamén na fusión e a investigación de novas formas artísticas. Destacamos un dos temas de O niño do sol (20002), Os ollos de Andrea.

Na lista non podíamos esquecer a oitava edición de Santiautor. E é que, entre marzo e maio, terán lugar en Santiago 32 concertos, 15 deles de artistas galegos. Polos escenarios do certame pasarán intérpretes para tódolos gustos, como: Rozalén, Rosana, Pedro Guerra, Rosa Cedrón e Marilia, excomponente do dúo Ella Baila Sola, que disolveu a súa formación orixinal no 2001. No 2013 lanzou o seu primeiro traballo en solitario, e este mes verá a luz o terceiro álbum, Infinito. Lembramos un dos temas do terceiro disco de EBS, Marta & Marilia (2000), No está todo perdido.

As entradas para o concerto de Ricky Martin en A Coruña esgotáronse en tres horas, marcando un récord na historia do Coliseum. O portorriqueño iniciará a xira española de One World Tour na nosa cidade, co que será o único concerto en Galicia. O espectáculo estará dividido en catro fases: dance rock, baladas e tribal e interpretará algúns dos seus grandes éxitos, como: Come With Me, A Mordidita, Livin’ a Vida Loca e A Bomba entre outros. Un dos temas que non van faltar é She Bangs, o primeiro sinxelo do seu sexto traballo de estudio, Sound Loaded (2000). O vídeo musical foi un éxito na MTV, e a versión en español do mesmo gañou un Grammy ao Mellor vídeo musical.

A actriz e cantante alemana Ute Lemper tamén visitará a nosa comunidade no mes de abril. Coñecida polos seus papeis en musicais, entre os que destaca a produción francesa de Cabaret, é recoñecida pola súa interpretación da obra do compositor alemán Kurt Weill. Salientamos a súa versión de  I’m A Stranger Here Myself, do musical de Broadway One Touch of Venus, que contaba con música de Kurt Weill e letra de Ogden Nash e na que se parodiaba vagamente o mito de Pigmalión. O espectáculo foi levado á pantalla grande en 1948 e estaba protagonizado por Robert Walker, Ava Gardner e Dick Haymes.

Aquí tedes Lista ao completo. Se queredes levar os álbumes dos traballos seleccionados, non esquezades pasar pola Biblioteca Fórum.

Budiño – Paralaia. Burning – Una noche sin ti. Caetano Veloso – Mi cocodrilo verde. Carlos Vives – Fruta fresca. Diego Ojeda – Puedo verte. Ella baila sola – No está todo perdido. Fuel Fandango – I Say No. GuadiGalego – Madama. Juan Magán – Amarte bien. La Oreja de Van Gogh –  Día cero. Leiva – Mi mejor versión. León Benavente – Todos contra todos. Love of Lesbian – Universos infinitos. Macy Gray – Walk This Way. M Clan – Mario. Mercedes Peón – Babel. Michael Jackson  – Farewell My Summer Love. Milladoiro –  Os ollos de Andrea. Novedades Carminha – Quiero verte bailar. Pedro Guerra – Otra forma de sentir. Raphael – Provocación. Ricky Martin – She Bangs. Rosa Cedrón – Heicho de dar. Rosana – Hoy. Rozalén – Levántate. Ute Lemper – I’m A Stranger Here Myself.