FUC, FIRC e FEC

Fuc-Firc-Fec-2014-Agosto-A-CorunaAs festas non rematan e a música tampouco. Despois do Noroeste Pop Rock e dos moitos concertos na Praza de María Pita, agora o escenario sitúase no Parque de Santa Margarida que se vai converter no epicentro galego da música alternativa durante tres días, 21, 22 e 23 de agosto.

Tres días nos que se celebrará o Festival FUC, FIRC, FEC 2014 organizado polo colectivo Fanzine Project e co apoio do Concello da Coruña. Un festival con tres estilos ben diferentes: rock, urbano (rap e hip hop) e electrónico e que xa vai polo seu quinto ano.

FUC (Festival Urbano Coruñés)  de rap e hip hop, o 21 de Agosto 19:00 a 00:00

  • C. Terrible
  • Norweside
  • Elecesar
  • ill Bambinos
  • Arce
  • BartonKidz
  • Bobeh

mc C.Terrible presenta BURUNDANGA, o seu novo traballo con LNS na produción. Trátase dun álbum composto de 14 tracks inéditos, no que aparecen dúas colaboracións da man de NY & Ihon (MDE Click) e Dano(Ziontifik).

No escenario estarán tamén Norweside, un selo local baixo o que se aglutinan diferentes estilos de hip hop, o vigués ELECESAR, os cataláns Ill Bambinos, os composteláns ARCE e Barton Kidz, e Bobeh.

FIRC (Festival Independente de Rock Coruñés) 22 de Agosto 20:00 a 02:00

  • Hamlet
  • Bastards On Parade
  • Unicornibot
  • Guerrera

O metal virá da man dos madrileños Hamlet trala súa evolución de estilos ao longo dos anos. Bastards On Parade encherán o escenario de punk folk. Ritmo, guitarras potentes e virtuosismo instrumental será o que acompañe aos pontevedreses Unicornibot. E os tamén galegos Guerrera traerán, como eles mesmos se definen “Psico-Blues-Rock profundo e enérxico”.

FEC (Festival Electrónico Coruñés)  23 de Agosto 18:00 a 03:00

  • Fairmont
  • The Frogmen
  • Hd Substance
  • Hoax Believers
  • The Panic Room
  • Roi
  • Lefrenk
  • Diego Villa
  • Parasit Vj + Vj Ram

Para pechar o festival, o sábado será a quenda da música electrónica. O canadense Fairmont, ou o que é o mesmo Jake Fairley de seguro que envolverá o Parque de Santa Margarida nun ambiente cálido e máxico provocado polo techno funk suave dos seus directos.

Tamén poderemos desfrutar de HD Substance que tras máis de vinte anos formando parte activa da escena electrónica mundial, máis de 30 Ep’s editados en selos de todo o mundo, segue sendo figura de referencia da escena techno española.

O resto de cartel completano The Frogmen e outros Dj´s entre os que se atopan  Hoax Believers, The Panic Room, Roi, Lefrenk, Diego Villa, Parasit VJ, e VJ Ram.

Advertisements

Fogbound

Unha das moitas razóns para asistir á Romaría Pop que o pasado sábado 14 de xuño se celebrou en Compostela era precisamente para velos a eles en directo, pero o desexo viuse truncado por motivos de última hora causando baixa no cartel asi como tamén na final da selección de teloneiros do Noroeste Pop Rock 2014. Estou a falar de Fogbound, unha xove formación coruñesa de clara orientación sixties e psicodélica a quen a crítica coloca xa como unha das novas bandas estatais máis sorprendentes que se pode escoitar ultimamente.

fogbound

Fabio Mahía (guitarra e voz), Borja Fernández (baixo), Fernando Vilaboy (Hammond) e Adrián Seijas (batería) formaron a banda a comezos do 2012 versionando coñecidos temas de bandas “freakbeat” británicas e pasaron despois á creación das súas propias cancións. Os membros son músicos con talento demostrado, procedentes de formacións como Wolrus, Misterioso Viaje a Holanda ou Elephant Band. Como selo de identidade está unha gran creatividade xunto cos perfectos acabados, unha gran voz e por suposto os efectos dunha guitarra psicodélica cos que son capaces de trasladarnos a outras realidades máxicas.

No seu bandcamp informan que o seu single ‘Whispering Corridors‘ saiu, en formato 7”, en 1967, Fogbound non veñen do pasado aínda que participan dun ideario que os sitúa como revivalistas (sen ningún ánimo pexorativo) dun tempo histórico básico para entender a música de hoxe en día.

No 2013, contando un ano como formación, gañan a II Batalla de Bandas do Euroyeyé, e son chamados a participar no Purple Weekend. O próximo agosto estarán no XX aniversario do Euroyeyé en Xixón da man de Jorge Explosión, encargado da súa primeira gravación nos estudios Circo Perroti, o vinilo resultante leva o selo de Sunny Day Records e ven de colgar o cartel de ESGOTADO.

Se quedas con gañas de máis, podes escoitar o resto de temas en Soundcloud e unha pequena entrevista que lle fixeron no programa Zig Zag diario da Televisión de Galica aqui.