Lista Reprodución Fórum: é tempo de festivais!

Xa metidos de cheo no verán a oferta de concertos e festivais é moita e moi variada, por iso na Lista deste mes facemos unha pequena selección dos artistas máis destacados que tocarán tanto na cidade dentro do Noroeste Estrella Galicia coma daqueles que pasarán polas principais vilas e cidades da comunidade.

O Noroeste Estrella Galicia que se celebra na nosa cidade do 6 ao 11 de agosto é unha das propostas máis completas do verán. Este festival é singular e converteuse en referente porque nos últimos anos expandiu os seus escenarios por distintos puntos da cidade, como o castelo de San Antón ou o Paseo das Pontes. Todo un luxo para a cidade, que ademais é gratuíto. O bombazo da edición deste ano será a cantante Patti Smith, coñecida como a madriña do punk. Esta veterana lenda da música actuará na praia de Riazor o 9 de agosto. A cantante, aclamada por éxitos como People Have the Power, Gloria e Because the Night, ofrecerá o seu directo a partir das 23.30 horas, no que é ata o momento o seu único concerto gratuíto confirmado en España.

Ketama, Mala Rodríguez, Susana Seivane e Tequila abrirán, pola súa banda, as Festas de María Pita da Coruña na primeira semana de agosto.
A banda dos Carmona actuará na praza, nun concerto gratuíto ao aire libre, o propio 1 de agosto, xusto despois do pregón que inaugurará as festas. Ao día seguinte, tamén dentro do ciclo de concertos nocturnos As noites de María Pita, será a rapera Mala Rodríguez a que se suba ao escenario. E a primeira semana de festas pecharase coa gaiteira Susana Seivane, que actuará o sábado 3, e todo un clásico do rock en español, Tequila, que estará en María Pita o domingo 4.

Os concertos e festivais exténdese por toda a comunidade con infinidade de plans e non poderiamos enumeralos todos: O Sinsal na Illa de San Simón do 25 ao 28 de xullo, o Atlantic Fest na Illa de Arousa (Pontevedra) do 26 ao 28 de xullo, Son Rías Baixas en Bueu (Pontevedra) do 1 ao 3 de agosto, O Marisquiño en Vigo do 9 ao 11 de agosto, etc. Pero non marchamos sen destacar unha cita de carácter solidario que se encarga de pechar o circuíto de festivais galegos cada verán. Trátase do Festival da Luz, que reúne a miles de persoas na pequena localidade de Boimorto, na Coruña. Cada ano esgótanse os abonos, que ten un prezo moi alcanzable debido a que a recadación íntegra destínase a obras benéficas. O festival organizado por Luz Casal traerá este ano entre outros a Mikel Erentxun, Arizona Baby, Celtas Cortos e Amparanoia.

E se queredes ir aos concertos coas cancións ben aprendidas non esquezades pasarvos pola biblioteca e levar os discos en préstamo que xa vos están agardando. Podes consultar a súa dispoñibilidade no noso catálogo.

Para non perder o tempo escoita a Lista ao completo aquí, agardamos que vos guste e vos anime a non quedar na casa este verán porque os festivais agárdanvos!!

Tom Jones – Reload. Revolver – Sur. Tequila – Rock and roll. Patti Smith  Horses. Antonio Carmona – Vengo venenoso. Ketama – Konfusión. Xosé Manuel Budiño – Home. Susana Seivane – Susana Seivane. Mala Rodríguez  Malamarismo. Anni B Sweet – Start restart undo. Fangoria – El paso trascendental del vodevil a la astracanada. Raphael – Te llevo en el corazón. Banda Crebinsky – Jet lag. Los Punsetes – Una montaña es una montaña. Ariel Rot – La huesuda. Vetusta Morla – Los ríos de Alice. León Benavente – León Benavente. Leiva – Pólvora. Bon Jovi – This house is not for sale. Escuchando Elefantes – Hope. 

Lista Reprodución Fórum: Música para os sentidos

Relacionado co ciclo temático “Cre en ti” que este trimestre temos na Biblioteca do Fórum, elaboramos unha lista de reprodución para cada momento e para cada estado de ánimo. Xa dende os principios da historia pódense rastrexar mencións a que a música afecta o estado de ánimo. Os gregos foron os primeiros en sistematizar o efecto da música sobre a conduta humana, dicían que podía aliviar aos deprimidos e deter aos violentos.

Necesitamos a música e está máis que comprobada a relación que existe entre as notas e os estados anímicos, así como a súa capacidade para facilitar o tránsito dunha emoción a outra. Actualmente, a música escóitase para entreterse, para bailar, para facer exercicio, para meditar, para relaxarse, ao limpar a casa e para facer máis ameno calquera instante. Pero, preguntáchesche cal é a música ideal para cada momento?Aínda que na resposta teñen moito que ver os gustos, preferencias e personalidade de cada quen, hai certos estilos musicais que se aplican para momentos e emocións específicos, independentemente de cal sexa o teu xénero musical favorito.

Música para ter máis enerxía e iniciar ben o día

Este é o tempo no que se atopan ritmos como o rock, pop e dance. Este tipo de composicións son capaces de achegar unha boa cantidade de enerxía ao cerebro humano. As cancións que che fan sentir máis animado e con enerxía son as que teñen unha letra positiva, un tempo igual ou superior a 150 pulsacións por minuto e un ton maior. Recomendamos “Livin’ on a Prayer” de Jon Bon Jovi. Considerada unha das cancións insignia da banda. Ademais, foi catalogada como a mellor canción dos 80 pola cadea estadounidense VH1É unha das 200 cancións con maiores descargas dixitais nos Estados Unidos.

“Viva la vida”, de Coldplay é ideal para ter máis enerxía nas mañás e pasar de estar con letargo a estar alerta, con enerxía e optimista.

Música para facer exercicio

O ritmo acelerado do rock é como unha inxección de adrenalina para o cerebro, así que é un ritmo ideal para motivarche ao facer exercicio. Do mesmo xeito que o pop máis rítmico, a música electrónica e o dance, axudan a manter a frecuencia cardíaca entre 130 e 150 pulsacións por minuto, o cal é útil cando queres queimar calorías. Aquí incluimos traballos como  Ballbreaker 13º álbum de estudo da banda de hard rock australiana AC / DC ou “Nothing but the beat” do DJ francés e productor David Guetta.

Música para o relax

A mellor opción cando de relaxarse se trata é a música clásica e instrumental con tons graves, os cales provocan ondas cerebrais baixas que propician a relaxación. Algúns exemplos O “inverno II, Longo” das Catro Estacións.
A música de Mozart é tamén unha boa opción, xa que foi recoñecida por axudar a equilibrar a enerxía e crear unha harmonía entre corpo e mente.

Pero non nos esquecemos de deixar preparada unha lista de cancións tristes. Xa que hai estudos que demostran que escoitar música triste dá consolo e axuda a regular os estados de ánimo negativos. Bos exemplos son “Hello” de Adele ou “Goodbye my lover” de James Blunt.

Aquí tedes a Lista ao completo. Se queredes os levar os discos dos temas seleccionados, lembrade que os podedes atopar na Biblioteca Fórum. Agardámosvos!

Leonard Cohen – I’m your man. Silvia Pérez  Cruz – Vestida de nit. New Wave Classix. Lana del Rey – Lust for life. David Guetta – Nothing but the beat.  La mejor música de Broadway.  Supertramp – Paris. Evanescence – Fallen.  Franz Ferdinand – Always ascending. Gloria Gaynor –  El Album. James Blunt–  All the lost souls.  David Bowie –  Diamond dogs. Adele –  Adele 25. Coldplay – Viva la vida. AC/DC – Ballbreaker. Wolfgang Amadeus Mozart – Salzburg symphoniesBeethoven, Ludwig van – Concierto para piano nº 5 en Mi bemol Mayor. Killers – Live from the Royal Albert Hall. The Cure – The Lovecats. The Beatles – Octopus’s Garden.

Lista Reprodución Fórum: ampliando sentidos

Este mes propoñémosvos unha Lista distinta, na que poderedes revivir actuacións ou mesmo visualizar algún documental de ABBA, Ainhoa Arteta, Chicago, Depeche Mode, Lou Reed ou The Who, entre outros.  E é que se vides a Biblioteca Fórum, en lugar dos habituais discos coa música, atoparedes DVD.

Iniciado en 1967, o Festival de Jazz de Montreux coumezou nos salóns do Casino desta cidade suiza. Nos anos 80 pasou a ser un evento musical de prestixio internacional e a día de hoxe séguese a celebrar fronte ao lago Lemán.

Ao longo dos anos, moitos artistas publicaron álbumes gravados en directo durante a súa participación no Festival. Tal é o caso de Emerson, Lake & Palmer, que actuaron no ano 1997. Desta banda británica formada nos anos 70 destacamos Lucky Man (1970). Un tema que apareceu no seu álbum debut, chamado como o grupo, e que Greg Lake escribiu aos 12 anos cando a súa nai lle mercou unha guitarra.

Marvin Gaye, un dos máis destacados intérpretes do Motown Sound,  iniciou o seu primeiro tour europeo en 1976. Son poucas as actuacións en vivo que se conservan do artista. Unha delas é a do Edenhalle Concert Hall de Amsterdam. Como mostra, o tema de 1964 How Sweet It Is (To Be Loved By you), que foi versionado por James Taylor en 1975.

No ano 2004 o grupo de heavy metal Metallica lanzou o seu documental Some Kind of Monster. Iniciado a modo de making of do disco St Anger (2003), rematou sendo moito máis, amosando as relacións persoais da banda, os problemas trala saída de Jason Newsted, a audición de Robert Trujillo, a loita cos procesos creativos, etc. Destacamos a canción que deu nome a este traballo, aparecida orixinalmente no seu oitavo álbum de estudio, e que atoparedes nos extras do disco.

Na sexta edición do desaparecido Iberojazz (2011), no que rendeuse homenaxe ao compositor estadounidense Irving Berlin. Nel combinábanse creacións musicais de artistas noveis cas dos grandes do jazz. Nesta ocasión a Big Band do Conservatorio Superior de Música da nosa cidade compartiu escenario co Saint Louis College of Music de Roma no denominado Galitalia Jazz Meeting, que serviu de broche de ouro. Para abrir boca deixámosvos con Onde están, interpretado pola que foi a primeira promoción de jazz de Galicia.

Aquí tedes a Lista de Reprodución ao completo. Se queredes levar os DVD dos temas seleccionados atoparédelos na Biblioteca Fórum.

ABBA – I Have A Dream.   Ainhoa Arteta – La tarántula.  Ana Belén y Víctor Manuel – Contamíname.  Andrés Calamaro & Fito & Fitipaldis – Whiski barato.  Asia – Heat of the Moment.  Big Band CSM A Coruña – Onde están.  Boney M. – Rasputin.  Bruce Springsteen – Thunder Road.  Chicago – Hard to Say I’m Sorry.  David Bowie – Space Oddity.  Depeche Mode – Precious.  Dire Straits – Romeo and Juliet.  Emerson, Lake & Palmer – Lucky Man.  Eric Clapton – Sunshine Of Your Love.  Eurythmics – Sweet Dreams.  Lou Reed – Wild Side.  Madness – Our House.  Marvin Gaye – How Sweet It Is (To Be Loved By you).  Metallica – Some Kind of Monster.  Paul McCartney – Drive My Car.  Queen – Under Pressure. Simon & Garfunkel – Scarborough Fair.  Sinead O’Connor – Nothing Compares 2 U.  Status Quo – Roll Over Beethoven.  The Who – My Generation. U2 – Where the Streets Have No Name.

 

Lista Reprodución Forum: Movember

Chega o mes máis peludo do ano, e é que en novembro a cousa vai de bigotes. O movemento “Moustache-November” (Bigote-Novembro) bate récords de ano en ano. “Movember” é un xogo de palabras entre “moustache” (bigote en inglés) e “November” (noviembre). A súa orixe remóntase a principios do Século XX na cidade de Melboume (Australia), ainda que a súa popularidade foi en aumento de xeito significativo nos últimos 10 anos. Esta multitudinaria iniciativa conseguiu recuperar un símbolo físico de masculinidade.

Movember é unha organización adicada aos problemas de saúde dos homes e  recada fondos para loitar contra o cancro de próstata, o cancro testicular e os problemas de saúde mental.

movember

O obxectivo é recaudar fondos e aumentar a concienciación sobre a saúde do home, explican dende a web de Movember. Á iniciativa tamén se poden sumar mulleres (Mo Sistas) que axuden aos seus compañeiros (Mo Bros) a deseñar o mostacho. Pero se algo está conseguindo Movember, é sensibilizar sobre os cancros de próstata e testículo.

Na Lista de Reprodución de Novembro facemos o noso particular “movemento november” e desta volta seleccionamos música de homes teñan ou non bigotes.

León Benavente é un grupo formado por músicos procedentes de bandas tan coñecidas coma Tachenko, Schwarz ou Nacho Vegas. León Benavente presenta o seu homónimo álbum de debut a quen a crítica sitúa como un dos mellores lanzamentos nacionais do 2013. Entre os seus integrantes hai estirpe galega, trátase de Abraham Boba, quen aporta esa eterna melancolía que proxecta nas letras e transmite a través da súa voz.

Despois de mostrar na maioría de festivais da Península o seu solvente, roqueiro e intrépido directo, Eladio y Los Seres Queridos teñen tamén un oco na lista. Xa polo 2013 recibiron o Premio Galego da Música á mellor banda de indie/pop galega. Algo que os caracteriza son as boas cancións con letras ben traballadas e un son electrizante.

Cruzamos fronteiras e cambiamos totalmente de estilo para achegarnos ao gran Van Morrison, un personaxe esquivo, pouco dispoñible para compromisos e pouco comercial pero é, desde todos os puntos de vista, un dos personaxes máis estimados, máis admirados e tomados como exemplo polos coñecedores do rock. Cunha voz desgarradora e potente converteuse nun dos símbolos do Londres dos anos sesenta. Tras unha intensa traxectoria musical finalmente, en 1988 colabora activamente co grupo folk Chieftains (aos que tamén seleccionamos no noso Movember especial) realizando un antigo proxecto seu: o álbum ‘Irish heartbeat’.

A lista segue e complétase con nomes en maiúscula como Ray Charles, Elvis Costello, Víctor Jara ou Rodrigo Leao, por exemplo. Aquí vola deixamos ao completo para que desta volta lle botedes á música e á vida en xeral “un par de bigotes”. E lembrade que se estades interesados na causa podedes rexistrarvos e elixir de que xeito queredes colaborar.

Arizona Baby – Second to none, León Benavente – León Benavente, Andrés Calamaro – El cantante, Ray Charles – Kiss me baby, The Chieftains – Santiago, Depedro – La increible historia de un hombre bueno,Elvis Costello – National Ransom, Eladio y Los Seres Queridos – Orden invisible, Eskizos – Eskizos, Franz Ferdinand – Tonight, John Legend – Once again,  Víctor Jara – El derecho de vivir en paz, Javier Krahe – Cinturón negro de karaoke, Rodrigo Leao – O mundo,  José Mercé – El flamenco es_, Pablo Milanés – Amo esta isla, Van Morrison – Days like this,  Red Hot Chili Peppers – Freaky styley,  Davide Salvado– Rústica, Simon & Garfunkel – Bridge Over Troubled Water, Bruce Sprinsgteen – Tunnel of love, Caetano Veloso – A foreign sound, Barry White – Gold, Robbie Williams – Intensive care, Steve Wonder – The Definitive Collection, Neil Young – Fork in the road

 

Lista Reprodución Forum: setembro a bo ritmo

Nas bibliotecas tamén temos a inmensa sorte de contar en moitas ocasións coa xenerosidade dos nosos usuarios e usuarias que nos donan parte das súas coleccións. Desta volta, a doazón foi dunha gran colección de discos que abarcan sons e xéneros tan dispares coma Red Hot Chilli Peppers, os grandes éxitos de Queen, boa parte dos traballos de Rihanna e un repaso pola traxectoria do gran Xoel López, dende a formación Deluxe ao seu paso  por Lovely Luna.

A Lista de Reprodución de Setembro ven polo tanto cargadiña de novidades e de estrenos, con fondos recén incorporados á colección que aínda que non son os últimos traballos dos artistas no mercado nunca pasan de moda e toda ocasión é boa para botarlle unha escoita a estes grandes éxitos.

Born To Do It é o primeiro álbum do cantante inglés de R&B-Soul Craig David. Foi todo un éxito en vendas converténdose no álbum de estrea máis rapidamente vendido da historia. Desde entón, Craig David lanzou cinco álbums de estudo e traballou con unha variedade de artistas como Tinchy Stryder, Kano, Jay Sean, Rita Ora e Sting.

Manic Street Preachers é unha banda galesa de rock fundada en Blackwood en 1989. A idea de formar unha banda xurdiu nun principio en 1986, cando foron as conmemoracións dos 10 anos dos Sex Pistols, pero tardaron tres anos en levar a idea adiante. This Is My Truth Tell Me Yours é o quinto álbum de estudio da banda, editado o 14 de setembro de 1998 polo selo Epic Records. O disco gañou o premio ao mellor álbum británico nos Brit Awards de 1999 sendo un éxito comercial e de crítica.

E do País de Gales saltamos aos Estados Unidos, para falar de Nirvana unha das bandas máis importantes da historia do rock. Pese a quen lle pese son un grupo de culto, mitificado, con milleiros de fans ás súas costas e un líder claro, Kurt Cobain. O escaso material publicado non resultou ningún inconveniente para que haxa tres recompilatorios e catro box sets no mercado, Nirvana é un deles foi o terceiro álbum da banda en ser editado despois da morte de Kurt Cobain en abril de 1994, e trátase do primeiro en contar con material de estudio.

A lista complétase con artistas da talla de Patti Smith, coñecida como a madriña do punk, o cantante e pianista inglés de jazz e pop Jamie Cullum, a voz inconfundible de Bonni Tyler e músicos españois coma Alejandro Sanz, Mecano,Vega ou Zahara que a pesar da súa xuventude xa vai polo seu terceiro disco, Santa, no que conta con músicos de Mucho e Fuel Fandango entre outros.

Aquí vos deixamos a Lista de Reprodución con todos os artistas para que a desfrutedes. E se queredes escoitar os traballos seleccionados ao completo non esquezades pasarvos pola Biblioteca Forum e levalos en préstamo!

Amaral  Una pequeña parte del mundo, Andrés Calamaro – El palacio de las Flores, Coti – Canciones para llevar, Craig David – Born to do it, Jamie Cullum – Catching Tales, Deluxe – If things were to go wrong, Evanescence – Fallen, Kt Tunstall  Drastic Fantastic, Mala Rodríguez – Lujo Ibérico, Manic Street Preachers – This is my Truth Tell Yours, Maroon5 – Songs about Jane, Marta Sánchez – De par en par, Mecano – Siglo XXI, Alanis Morissette – Suppossed Former Infatuation Junkie, Nirvana – Nirvana, La Oreja de Van Gogh  – Cometas por el cielo, Paramore –The final Riot!, Queen – Greatest Hits I II & III, The Red Hot Chili Peppers – The Abbey Road E.P, Roxette – A collection of Roxette Hits, Alejandro Sanz – La música no se toca, Patti Smith – Land, Bonnie Tyler – Heart Srings, Vega – La cuenta atrás, Zahara – La fabulosa historia de …, Zaz – Recto verso

 

Lista Reprodución Forum: os concertos das festas

Se o mes pasado adicabamos a nosa Lista de Reprodución á música da terra, agosto non anda moi desencamiñado. A estas alturas, de todos é sabido que o sábado día 1 arrancan as festas de María Pita co concerto de Víctor Manuel e Ana Belén na propia praza e que do luns 3 ao venres 7 de agosto celebrarase o 29 Noroeste Pop Rock da Coruña cun total de 31 concertos de balde en 4 escenarios diferentes. Por iso, a Lista de Reprodución de Agosto nútrese cos traballos de moitos dos artistas que poderemos ver estes días polos escenarios da cidade e con outros que estarán polos arredores ou en próximas datas.

Cartaz2

 

Posiblemente sexa este un dos anos con máis presenza de grupos galegos, un total de 17 confirmados que actuarán na praza das Bárbaras, San Nicolás e no Castelo de San Antón. Trátase de formacións como En Casa del Herrero, Say My Name, The Trunks, Silvia Penide, True Mountains, Félix Arias, David Quinzán, Sensacional ou Familia Caamagno entre outros. Os de Sigüeiro, avalados polas boas críticas dos medios especializados teñen un oco con dereito de seu na axenda musical galega. Coma eles mesmo din “Hai que andar cos tempos!”, título que dá nome ao seu último traballo. Sen dúbida un dos grupos que paga moito a pena ver en directo porque te fará bailar aínda que non queiras.

Os concertos na praia inaugúranse o xoves 6 da man de todo un referente do pop independente nacional, Los Planetas, quen xa actuaran no Noroeste na edición do 2010. Xunto a eles estarán os cataláns Sidonie que se deron a coñecer co seu rock psicodélico e alternativo na década dos 90. Os seus directos nunca deixan indiferentes a niguén, o seu último traballo publicado é Sierra y Canadá no 2014.

O venres é a quenda de León Benavente grupo formado por músicos procedentes de bandas tan coñecidas coma Tachenko, Schwarz ou Nacho Vegas. León Benavente presenta o seu homónimo álbum de debut a quen a crítica sitúa como un dos mellores lanzamentos nacionais do 2013. Entre os seus integrantes hai estirpe galega, trátase de Abraham Boba, quen aporta esa eterna melancolía que proxecta nas letras e transmite a través da súa voz.

Os concertos no areal de Riazor péchanse coa gran estrela e cabeza de cartel, os suecos Mando Diao. Con raíces no brit-pop e o garage-rock pero tamén con miras ao soul e a electrónica, desenvolveron unha carreira con sete álbums xa. O seu último traballo Aelita, sen sorpresas, destaca por unha boa instrumentación e unha boa producción, aínda que ás veces algunha das canción poida resultar excesivamente longa.

Pero as festas compleméntanse con concertos para todos os gustos: Rosário, Maná, Alejandro Sanz, The Originals Blues Brothers Band ou o xenial violinista de orixe libanês Ara Malikian entre outros. Podedes consultar toda a proposta e horários aquí, e mentras non chegan os ansiados concertos tedes á vosa disposición os traballos dos artistas nas bibliotecas. Ésta é a nosa particular Lista de Reprodución da Biblioteca Fórum para ir abrindo boca, bótalle unha escoita!!

Pablo AlboránTanto, Félix Arias – Manchados de tinta, Arizona Baby – Second to none, León Benavente – León Benavente, Cooper – Retrovisor, Coruña Son09Xurxo Souto – Fumareu, Los Enemigos – Hasta el lunes, Guadi Galego – Lúas de outubro e agosto, La Habitación Roja – Cuando y ano quede nada, Carlos Jean – Have an ice day, Kepa Junkera  – Hiri, Joaquín Sabina et. Al.La Bien Querida – Romancero, Maná – Amar es combatir, Antonio Orozco – Cadizfornia, Los Planetas – Una ópera egipcia, Reincidentes – Algazara, Barón Rojo – Volumen Brutal, Rosario Flores – Parte de mí, Ariel Rot – La huesuda, Alejandro Sanz – El tren de los momentos, Sabina & Serrat, Sidonie – Sierra y Canadá, Sting  – Desert Rose, Kiko Veneno – Dice la gente

Lista de Reprodución Forum: concertos para o mes de xuño

En xuño contase co bo tempo case por descontado, comeza o verán e os festivais tocan o seu punto álxido, así que na Lista de Reprodución facemos unha pequena posta a punto.

festival

 O máis próximo é o Contemporánea que se celebra nunha doble cita: en Badaxoz o 5 e o 6 de xuño conmemorando a súa vixésima edición, e en Alburquerque, o 24 e 25 de xullo, con Pet Shop Boys, Vetusta Morla, Vitalic, Dover, Supersubmarina, DorianXoel López, Los Enemigos, La Habitación Roja e ata un total de 43 formacións. Pet Shop Boys será a primeira cabeza de cartel internacional na historia do festival. A banda que estará este ano na edición de Alburquerque como grupo revelación será a coruñesa Sensacional.

18 anos de existencia son os que cumpre xa Territorio Sevilla. Un festival que se foi adapatando cos tempos e que permite desfrutar nun entorno único e histórico, o centro da cidade, diferentes estilos musicais. Este ano serán 22 (11 grupos por día de Festival) as diferentes propostas que integrarán o ecléctico cartel do festival dende estilos tan diversos como o rock, o pop, a electrónica, o hip-hop ou o reggae da man de artistas como Ilegales, Calle 13, El Chojín, Macaco ou Dorian entre outros. A cita, os días 12 e 13 de xuño.

O próximo 20 de xuño, coincidindo coas celebracións do Día Europeo da Música, terá lugar no Matadero Madrid a primeira edición do Mat Mad, un festival que pretende converter este centro de creación contemporánea no epicentro das actividades de celebración de tan sinalada data. Entre as actividades que incluirá Mat Mad destacan os concertos de Los Enemigos, Ilegales, Corizonas, Kiko Veneno, Jero Romero, Anxo Stanich ou Smile, ademais dos concertos das escolas de música da cidade de Madrid, así como máster classes de profesores, actividades específicas para nenos etc.

A lista de festivais continúa: Festival de Les Arts (Valencia), Tres Sesenta Festival, Artenou (Barcelona), Barcelona Metal Fes (Barcelona), Neox Rocks Festival (Madrid), Azkena Rock Festival (Mendizabala) e moitos outros. Coma sempre aquí vos deixamos unha escolma de moitos dos grupos que pasarán polos seus escenarios. E para os que non poidades ir de festival recordade que os discos están dispoñibles na biblioteca Forum para que leves en préstamo, consulta a súa dispoñibilidade no catálogo.

Angelus Apatrida – The call, Anni B Sweet – Ridicolous Games, Ariel Rot – Ahora piden tu cabeza, Arizona Baby – Secret fires, Bigott – Fin, Death Cab For Cutie – The Collection, Dorian – La velocidad del vacío, Eladio y Los Seres Queridos – Orden invisible, Los Enemigos – Hasta el lunes Foo Fighters – One by one, Ilegales – El día que cumplimos 20 años, Luar na Lubre  – Hai un paraiso, Leiva – Pólvora, León Benavente – León Benavente, Xoel López – Atlántico, Macaco – El murmullo del fuego, Maná – Unplugged, Mumford & Sons – Babel , Pablo Alborán – Tanto, Pet Shop Boys – Fundamental, Second – Fracciones de un segundo, Siniestro Total – Trabajar para el enemigo, Triángulo de Amor Bizarro – Victoria Mística, Nacho Vegas – Resituación, Kiko Veneno – Sensación térmicaVetusta Morla  – Un día en el mundo

Lista Reprodución Forum Maio 2015: a ritmo de jazz e rap

O pasado 30 de abril celebrouse o Día Internacional do Jazz, data proclamada pola Conferencia Xeral da UNESCO en novembro de 2011 baixo os seguintes principios:

  • O jazz rompe barreiras e crea oportunidades para a comprensión mutua e a jazztolerancia
  • O jazz é unha forma de liberdade de expresión
  • O jazz simboliza a unidade e a paz
  • O jazz reduce as tensións entre os individuos, os grupos e as comunidades
  • O jazz fomenta a igualdade de xénero
  • O jazz reforza o papel que xoga a xuventude no cambio social
  • O jazz promove a innovación artística, a improvisación e a integración de músicas tradicionais nas formas musicais modernas
  • O jazz estimula o diálogo intercultural e facilita a integración de mozos marxinados.

E o 3 de maio o Día da Música Rap un estilo musical que xorde nos barrios negros e hispanos neoiorquinos. Vinculado dende principios dos 80 aos ambientes da cultura hip-hop, a imaxe e semellanza desta integra diversas correntes, como o break dance music, o electro, o graffiti urbano ou o scratch.

Coa suma dos dous, jazz e un chisco de rap elaboramos a Lista de Reprodución do mes de maio. Ben pretiño temos a músicos da talla de Abe Rábade, que comezou a estudar música con 4 anos no Conservatorio Histórico de Santiago e rematou os seus estudos nos Estados Unidos onde obtivo unha licenciatura Cum Laude en Jazz Composition e Piano Performance por Berklee College of Music (Boston, EUA).

Se falamos de Chano Domínguez hai que facer referencia por suposto as súas raíces flamencas. Pianista e compositor español nacido en Cádiz, o 29 de marzo de 1960. Foi galardoado con numerosos premios, entre os cales destacan o Premio ao mellor solista (outorgado polo programa Jazz entre amigos) e o premio ao Mejor disco de jazz español (Feito a man), pola revista Cadernos do Jazz, en 1998. Estes e outros méritos valéronlle o prestixio e o recoñecemento internacional.

E no que a rap se refire temos referencias tan significativas coma Aíd. A rapeira galega comezou a actuar con quince anos en pequenos locais de Vigo e Vilagarcía, acompañada doutros MCs e tamén en solitario. En 2007 colaborou con El Puto Coke e gravou o seu primeiro álbum en solitario.

Estas son só pinceladas para ir abrindo boca, a Lista xa sabedes que se completa con outros 23 traballos máis, desta volta de jazz e rap, e que podedes escoitar aquí, e por suposto levar en préstamo para escoitar o disco ao completo nas vosas casas.

 Abe Rábade – Ghu!, Aíd – Jugando, Louis Armstrong & Ella Fitzgerald – Lo mejor, Corinne Bailey Rae – Rae, Patricia Barber – Café blue, Count Basie – Atomic Basie, BB King – The Collection, Michael Brecker – Pilgrimage, John Coltrane – A Love Supreme, Common – Universal Mind Control, Jamie Cullum – Twenty Some-Thing, Chano Domínguez  – Iman, Eminem – The Eminem show, Aretha Franklin – Amazing grace, Jay Z – Watch the throne, Kin García – O lobo morde a man, K’Naan – The Dusty Foot On The Road, Meko – Lo que dan los años , Pink Martini – Hang on little tomato, Roberto Somoza – Trío eléctrico, Nina Simone – Sugar in my bowl, SFDK – 2005, Memphis Slim – Lonely nights, Snoop Dogg – Doggumentary, Xacobe Martínez Antelo TríoToteKing  – El lado oscuro de Gandhí

Lista de Reprodución Forum: As mulleres na música

Xa estamos de cheo en marzo, empeza a sair o sol e a primavera xa está as portas. Pero se algo caracteriza a este mes é por ser o 8 de marzo o  Día Internacional da Muller. Así que na nosa Lista de Reprodución non toca outra máis ca renderlle a nosa pequena homenaxe enchendo a lista de voces femininas que berran ben alto.

Pouco a pouco, e coma en case tódolos ámbitos, e con moitos esforzos a muller adquiriu unha respetable posición na sociedade musical. Aportou a súa creatividade e o seu talento en diferentes estilos musicais ata chegar sen darse apenas conta a ser líderes de bandas de rock ou a convertirse en conocidísmas instrumentistas por exemplo.

A lista de mulleres destacadas dentro da música seria moi longa asi que na Lista de Reprodución da Biblioteca Forum Metropolitano tan só deixamos unha pequena escolma que abrangue diversos xéneros musicais e diferentes épocas.

Lemabramos a Chavela Vargas, a muller que forxou un mito latino. Chabela era posuidora voz que transcendeu rancheiras, boleros, corridos revolucionarios, tangos e cancións cubanas para forxar un estilo doce e esgazados, fondo e bravío, macho e feminino… Case coetánea é Omara Portuondo, cantante cubana de soul e boleros, ademais de ser a maior representante do chamado feeling. Coñecida como «A diva do Boa Vista Social Club» ou «A noiva do feeling».

Grandes do fado son Mariza e Dulce Pontes. Mariza, co seu segundo álbum, xa é considerada unha das mellores voces do que algúns chaman de “novo movemento do fado”. As súas interpretacións apaixonadas e a súa voz que lembra ás grandes divas do xénero, como a eterna Amalia Rodrigues, fixeron que Mariza gañase recoñecemento internacional en pouco tempo.  Dulce abordou o fado dunha forma pouco ortodoxa. Mesturaba fado tradicional con ritmos e instrumentos modernos, procurando novas formas de expresión musical. Enriquecía os ritmos ibéricos con sons e motivos inspirados pola tradición da música árabe e balcánica, principalmente búlgara.

E grandes da música contemporánea son Katy Perry, Madonna, Norah Jones, Adele ou a xa tristemente desaparecida Amy Winehouse. E non queremos rematar a nosa lista sen deixarlle un oco destacado ás grandes da nosa terra como Ana Kiro que comezou no mundo da canción como unha afección e que no ano 1969, estivo a punto de ser a primeira galega en representar a TVE en Eurovisión ao disputar con Salomé quen interpretaría “Vivo cantando” no festival que se celebrou en Madrid. A gran Uxía Senlle que comezou a cantar dende moi nova e con só vinte e catro anos, publica o seu primeiro álbum, Foliada de Marzo, cunha música bastante próxima ao tradicional, influenciada polo espertar da poesía galega na música popular.

Son só exemplos de mulleres na música, de mulleres coraxe que nesta ocasión quixemos destacar a modo de exemplo pero non esquezades que hai máis, moitas máis… aquí vos deixamos a nosa Lista de Reproducción de Marzo completa:

 Adele – Adele 21, Corinne Bailey RaeCorinne Bailey rae, Buika  Buika, Maria Callas – Divina, Luz Casal – Almas Gemelas, Wanda Jackson – Right or wrong, Norah Jones –Not too late.,  Diana Krall – Glad Rag Doll, Ana Kiro – Toda unha vida, Amy Macdonald – This is the life, Madonna – Ray of light, Malú – Íntima guerra fría, Mariza, Terra, Joni Mitchell – Blue, Diana Navarro – Camino Verde, Katy Perry – Teenage Dream, Dulce Pontes – Momentos, Omara Portuondo e Maria Bethânia , Russiand Red – Agent Cooper, Sinéad O’Connor – Am I not your girl?, Pastora Soler – Conóceme, Barbra Streisand – The concert, Uxía – Meu canto, Chavela Vargas – Antología, Julieta Venegas – Sí, Amy Winehouse  – Back to black

 

 

Lista Reprodución Forum Febreiro: os concertos que veñen

Xa estamos en febreiro, mes curto pero intenso, ven cargadiño de días sinalados, o día dos namorados, o antroido, o día da radio, o día de Rosalía… Pero desta volta na Lista de Reprodución tomamos nota do que está por vir e facémonos eco de varios concertos dos que poderemos desfrutar durante o 2015 no panorama nacional.

Por iso a Lista deste mes é ben diversa de xéneros, e de aí a explicación que poidas escoitar dende Estrella Morente ao incrible e escandaloso Robbie Williams. España é o país elixido polo artista británico para dar comezo a Let Me Entertain You Tour. O set de concertos do cantante pop terá dúas paradas: no Palau Sant Jordi de Barcelona e no Barclaycard Center de Madrid. Con inicio de xira en Madrid, o 25 de Marzo no Barcalycard Center, seguirao Barcelona, o 27 de Marzo no Palau Sant Jordi, cidades nas que hai máis de 10 que Robbie non toca en directo.

Let Me Entertain You Tour traerá o mellor de Williams, todos os seus hits nun único concerto, no que repasará o mellor da súa carreira e onde non faltarán os seus temas máis coñecidos como Bodies, Supreme, Eternity e moitos outros.

Este ano tamén poderemos ver no noso país a outro dos grandes, Lenny Kravitz. Unha das lendas máis importantes da historia do rock nos seus últimos 30 anos, Lenny Kravitz, confirmou tres concertos en España. Será o 18 de xullo en Gijón, o 20 de xullo en Madrid e o día 22 do mesmo mes no Festival Starlite de Marbella. Nesta ocasión Lenny Kravitz vén presentar Strut, o seu último disco de estudo, décimo na súa carreira musical, que recibiu moi boas críticas e do cal xa lanzou o primeiro single Chamber.

E por suposto os escenarios estarán cheos de artistas españois. Estrella Morente, Treixadura, Kepa Junkera Pablo Alborán,Leiva e moitos outros.

Leiva pechará #PolvoraOnTour, unha das xiras de maior éxito no noso país, con 17 novas datas, coas que sumará case 100 concertos entre 2014 e 2015. Pólvora entrou directo ao número 1 en vendas grazas ao seu son elegante e efectivo, pero tamén a un rock persoal e distintivo que contén éxitos tan rotundos como Terriblemente cruel.

 Especial mención merece a cantante e compositora India Martínez que está nomeada á Mellor Canción Orixinal a banda sonora da película de Daniel Monzón, “El niño”. India recibiu ademáis recentemente o Premio Própolis Á Mellor Voz, un galardón que recoñece as mellores voces nos ámbitos da canción, a interpretación e os medios de comunicación.

Aquí vos deixamos a Lista de Reprodución completa. E non esquezas consultar a dispoñibilidade dos discos no noso catálogo para poder levalos en préstamo:

AC/DC – Black ice, Pablo Alborán – Tanto, Felix Arias – Manchados de tinta, The Black Keys – El camino, Miguel Bosé – Bosé Papitwo,  Carla Bruni  – No promises, Kepa Junkera + Melonius quartet – Fandango, El Kanka – El día de suerte de Juan Gómez, Kiss – The very best of Kiss, Mark Knopfler – The ragpicker`s dream,  Lenny Kravitz – Are you gonna go my way, Leiva – Pólvora, Mago de Oz – Mago de Oz,  Franz Ferdinand – Tonight,Gorillaz – Plastic Beach, India Martínez – Camino de la buena suerte, Pablo Milanés – Las mejores canciones,Estrella Morente – Mujeres,  Katy Perry – One of the boys,  Amancio Prada – Trovadores, místicos y románticos,Los Punsetes – Una montaña es una montaña, Raphael – De amor & desamor, Revolver – Revolver, Second – Fracciones de un segundo,Los Secretos – Adiós tristeza, Joan Manuel Serrat – Mediterráneo, Treixadura – Unha noite non é nada, Robbie Williams – Intensive Care