Lista Reprodución Fórum: o mellor do 2021

Coa conta atrás botada a andar para o remate do ano, nas Bibliotecas Municipais da Coruña xa están preparadas as mostras de Nadal cunha estupenda selección de fondo bibliográfico para que desfrutedes nas vosas casas ademáis da xa tradicional guía “Historias de Regalo 2021” chea de propostas das bibliotecarias e bibliotecarios para os que vos gusta agasallar cultura, porque un libro, unha película e por suposto un bo disco son o mellor dos agasallos para desfrutar con todos os sentidos.

Historias de Regalo 2021

Na Biblioteca Fórum Metropolitano tedes tamén ao voso dispor unha selección de materiais que conforman o mellor do ano 2021. Libros, cómis, películas e por suposto música. Todos foron publicados e/ou incorporados ao longo deste ano ao noso fondo pero que de seguro, entre tanta oferta moitos deles aínda non pasaron polas vosas mans. E diso mesmo vai a derradeira lista de reprodución do ano, do mellor que chegou aos nosos ouvidos este 2021.

Falamos por exemplo de Crossroads, unha caixa recompilatoria do músico británico Eric Clapton. O álbum recompila o seu traballo en solitario xunto á súa carreira dentro dos grupos The Yardbirds, John Mayall’ s Blues Breakers, Cream, Blind Faith, Delaney & Bonnie e Derek and the Dominos. Crossroads inclúe tamén varias actuacións en directo e gravacións de estudo inéditas.

Tamén chegou ás nosas mans Love álbum gañador do premio Grammy na categoría de mellor recompilación para banda sonora para película, televisión ou outro medio visual, que contén un remix dos temas máis coñecidos de The Beatles e é a banda sonora do show do Cirque du Soleil co mesmo nome.

Recordamos que como apertura do 2021 o británico Mike Rosenberg ou o que é o mesmo Pasenger estreou Songs for the Drunk and Broken Hearted, o seu décimo terceiro disco de estudo, o seu duodécimo en solitario desde a disolución da banda que dá nome ao artista. E digo eu queda alguén que non tarareara o seu famoso hit Let Her Go? Pois non vos perdades o último que conta con todas as papeletas para converterse na banda sonora perfecta dunha tarde nostálxica de inverno.

A lista coma sempre intentamos que sexa apta para todos os gustos,  recopilamos dende a intensidade emocional de The Killers en Pressure Machine, a mellor das armas, Future Nostalgia da nova diva do pop actul Dua Lipa, o incrible talento que disco a disco demostra a catalana María Rodés, neste caso falamos de Lilith.

Aquí vola deixamos ao completo para que a escoitedes tamén na nosa canle de spotify e desexamos que o fagades ao ritmo dos mellores desexos para este ano 2022 que está a piques de comezar.

The Strokes– Room fire, Passenger – Songs for the drunk and broken hearted, Foo Fighters– Medicine at midnight, Dua Lipa – Future Nostalgia, Eric Clapton – Crossroads, The Beatles – Love, Fiona Apple– Fetch the bolt cutters, María Rodés– Lilith – Malandrómeda– Cada can que lamba o seu carallo, La M.O.D.A.– Ninguna ola, Lina Rodrigues– Lina_Raul Refree, Ginebras – Ya dormiré cuando me muera, The Killers– Pressure machine, Little Simz– Sometimes i might be introvert, Coro Infantil Xuvenil Cantabile – Palabras de luz, Bifannah – Danças líquidas, All & Always – Just plug into the rock, Superfuzz – Superfuzz, Escuchando Elefantes– ¿Por que siempre cantáis en inglés?, Silvia Penide – Los días de plomo.

Le, viaxa, soña…

Neste verán tan extraño postconfinamento queremos pouco a pouco volver á normalidade e unha desas normalidades é o noso ciclo de verán.  Este ano títulado “LE, VIAXA, SOÑA…” e mentras lemos podemos viaxar  e soñar acompañados da lista de reproducción que elaboramos para tí e que  seguro non che vai a deixar  indiferente.

 A música ten a capacidade de darnos unha sacudida e espabilarnos cando máis o necesitamos. De feito hai cancións e ritmos que escoitamos e que nos devolven a enerxía de maneira case automática. Hai melodías que según a ciencia teñen os elementos que o noso cerebro necesita para recuperar o ánimo. Calquera melodía que che faga sorrir, que che inspire bailar, bo rollo , ou simplemente che relaxe , vai ser boa para ti. Cando teñas un día gris , convence ó teu humor de que cambie de rumbo con boa música, esa que nos axudou tanto no confinamento.

Música e felicidade están intimamente ligadas, chega o momento de que prepares o cerebro para unha dose de enerxía positiva a través destes temas que recopilamos para ti nesta lista de Spotify.

Faremos un percorrido polos grupos e cantautores da xeografía española, remontaremonos a outras décadas ata chegar á actual, tocando diversos xéneros como pop, indi, alternativa, rap, etc…

Creamos unha lista con temazos tan pegadizos que, sen querer, meteranse na túa mente todo o día e non poderás evitar cantaruxar e bailar coma “Tigre de Bengala” de Xoel López, unha canción do máis alegre e que dá nome ó seu novo álbum , pasando polos grupos  miticos do pop dos 80 como Los Piratas, Radio Futura, Seguridad social, Heroes del Silencio…. Recordamos a Pau Donés coa a súa derradeira  canción “Eso que tu me das” e non pode faltar irmos de “Verbena” con Novedades Carminha. Sacudiremos os nosos medos con Rosana Arbelo “Sin miedo” e tamén nos engancharemos á vida con Guadi Galego “Chea de Vida”

 

Desexamos que esta lista sexa a vosa compañeira do verán e vos faga pasar un intre divertido co que bailar ou quizais relaxarvos, en definitiva que sexa capaz de transportarvos alí onde queirades, da primeira á última das cancións

Dalle ao play e que empece a soar a música!!!

 

 

Lista Reprodución Fórum: un pouco de actualidade musical

Xa ben entrado o mes de xuño, traémosvos unha Lista cos artistas que entre este e principios do próximo mes actuarán na nosa cidade, cos que lanzarán os seus novos traballos nestas datas, e, como non podía ser doutro xeito, cunha pequena mención a gran dama da canción, María Dolores Pradera.

O malagueño Pablo Alborán comezou a compoñer os seus primeiros temas con doce anos. Entre eles estaban Amor de barrio e Desencuentro, que incluiría no seu primeiro álbum de estudio, Pablo Alborán (2011).  A finais de xuño visitará o Coliseum dentro da xira do seu cuarto álbum de estudio, Prometo (2017). Se non tedes entrada para ir a velo, ou queredes prepararvos para corear todos os temas, podedes comezar a ensaiar con No vaya a ser, no que mestura ritmos electrónicos co pop tradicional que o caracteriza.

Dende os seus inicios no 2007, a carreira do malagueño Juan Gómez Canca, El Kanka, foi evolucionando ata converterse nun dos mellores cantautores da xeración actual. Tras pasar por Doctor Desastre e T de Trapo, trasládase a Madrid, onde participa con gran éxito en diferentes certames de cantautores. En 2014 saía o seu segundo álbum de estudio, El día de la suerte de Juan Gómez,  resultado dunha camapaña de crowfunding na que acadou máis do 200% da meta fixada, unha boa mostra do apoio que ten por parte público. Del destacamos Vengas cuando vengas, un tema que fala das relacións, da liberdade de elección e de aceptar o outro como é.

Cantante, compositor, músico e actor, o que foi baterista dos Beatles, Richard Starkey, mellor coñecido como Ringo Starr, entrou á banda cando Pete Best foi despedido. Durante a súa etapa cos de Liverpool compuxo temas como Don’t Pass Me By ou Octopus’s Garden. Este último, incluído en Abbey Road (1969), foi composto cando Starr estaba en Cerdeña paseando en bote coa súa familia e lle contaron que os polbos viaxaban ao longo do mar recolectando pedras e obxectos brillantes cos que construían xardíns, algo que lle fascinou. 

O pasado mes de maio apagábase a voz dunha das grandes da canción, tras máis de sete décadas dedicada ao cine, o teatro e a música. Ao longo da súa carreira María Dolores Pradera obtivo numerosos recoñecementos, como o Premio Nacional de Teatro, a Medalla de Ouro ao Mérito en Belas Artes, o  Grammy á Excelencia Artística ou o Premio Ondas á traxectoria musical. No 2001 sacou un disco homenaxe a Carlos Cano, no que recompilaba aqueles temas que cantara con el na xira de Amarraditos, como Habaneras de Cádiz ou María la Portuguesa.

Aquí tedes a Lista ao completo. Se queredes os levar os discos dos temas seleccionados, lembrade que os podedes atopar na Biblioteca Fórum. Agardámosvos!

Amaia Montero – 4”. Bullet For My Valentine – Bittersweet Memories. Christian Aguilera  –  Lift Me Up. Efecto Mariposa – Diez minutos. El Kanka  – Vengas cuando vengas.  Florence + The Machine  – Delilah.  Garbage – Push It. Gorillaz – Stylo.  Guns N’Roses – Ain’t It Fun. Joaquín Sabina – Parte meteorológico. Lily Allen – Who’d Have Known.  Los secretos – Los trenes perdidos. María Dolores Pradera – María la Portuguesa. Nacho Vegas – Polvorado. Nine Inch Nails – Polite. Pablo Alborán – No vaya a ser. Sergio Dalma – Mientras tanto. Shakira – La pared. The Cure – The Lovecats. The Beatles – Octopus’s Garden.

Lista Reprodución Fórum: As nosas letras

Se o pasado mes houbo unha lista especial polo Día do Libro, agora polo Día das Letras Galegas fixemos unha selección de grupos da nosa terra. E é que canten en galego ou non, estes artistas levan polo mundo o noso sentir.

Os vilagarcianos The Cornelius conseguiron traspasar fronteiras. Aínda que levan dez anos como grupo, son moitos os que o coñecen polo nome que se viron obrigados a adoptar cando lanzaron o seu segundo álbum, 1960 (2009), que saíu á vez en 30 países. E é que naquel entón, había un DJ xaponés que se chamaba como eles, e para evitar confusións decidiron chamarse Cornelius 1960.

No 2010 participaron no triple disco tributo a The Beatles con motivo 50º aniversario da formación da banda. Un proxecto dirixido e autorizado por Yoko Ono, no que ademais dos de Vilagarcía, tomaron parte 58 artistas, entre os que hai un bo número de galegos, como: Rosa Cedrón, Xoél López, Faltriqueira, Stereotipos, Milladoiro, Silvia Pendide, Uxía, Miguel Costas, Susana Seivane ou Los Mecánicos. Nel se incluía a versión de Cornelius de Drive My Car.

Nos seus máis de 12 anos como grupo, os coruñeses Escuchando Elefantes compartiron experiencias con Glen Hansard, Markéta Irglová, Paddy Casey, Bono, Lisa Hannigan, Hozier ou Sinead O’Connor, entre outros.

O pasado ano Silvia e Carlos lanzaron o seu terceiro disco, Hope. Os que eran uns dos mellores representantes do folk inglés no noso país,  están deixando esa etapa atrás, e con este álbum fixeron a música que, nas súas palabras, mellor lles representa. Nel, o folk deixa sitio ao rock, tornándose máis eléctricos e enérxicos. Destacamos Ready, unha das cancións máis escuras do álbum.

 

Tras pasar por formacións como Alcatre, Voyeur e La Rosa (coa que grabou catro discos), Magín Blanco desapereceu da escea musical unha boa tempada, pero continuou escribindo cancións. No 2010 lanzou o seu primeiro álbum en solitario, Ella, onde atopamos cancións íntimas, persoais e emocionais, como Veño ou vou?. Neste traballo contou coa colaboración de Nancho Novo, Laura Arbiol, Gloria Van Aerssen e Uxía Senlle.

Despois doutros dous traballos en solitario, decide facer un cambio e dedicarse ao público máis complicado, o infantil, para fomentar o amor pola música dos máis pequenos con temas que transmiten valores como a solidariedade, a liberdade e a alegría.

Os ourensáns Lamatumbá mesturan estilos como a cumbia, o reggae, o pasodoble, o rock ou o folk levando polo mundo adiante o espíritu da verbena. As súas son cancións alegres, con letras que na maioría das ocasións van acompañadas da crítica social e buscan honrar a tradición galega. Desde a súa formación en 1998 compartiron escenario con Manu Chao, Macaco, Barón Rojo, Betagarri ou Mau Mau. En 2010 lanzaron o seu último traballo,  A Órbita da Banda Hipnótica, con temas como Circus Magnificus.

Aquí tedes a Lista de Reprodución ao completo. Se queredes os levar os álbums dos temas seleccionados, podédelos atopar no espazo que temos dedicado á Lista na Biblioteca Fórum. Agardámosvos!

Cornelius 1960 – Drive my car.  Deluxe – El antihéroe. Dios Ke Te Crew – Dame ighual. Escuchando Elefantes – Ready. Félix Arias – Manchados de tinta. Jane Joyd – Landscape No.4. Lamatumbá – Circus Magnificus. Leilía – Vai dando a volta. Los 22 – No sé que ver. Magín Blanco – Veño ou vou?. Na Lúa – Nunca máis. Nadadora – Una nueva vida. Nouvelle Cuisine – Sintonía08. Piratas – Inevitable. Ruxe Ruxe – A Santa Compaña. Sevigny – Breathe. Steelwood – We Don’t Mind. Stereotipos – La última escena. Trasmundi – Raianos. Xoán Eiriz – Lela.

Lista Reprodución Fórum: Da música ás letras

Patti Smith, Nacho Vegas, Mikel Izal, Antonio Luque (Sr. Chinarro) ou Joselo Rangel (Café Tacvba) son só algúns dos artistas que precisan expresarse en en artigos, poemas, novelas ou contos, ademais de coa súa música. Por iso, co Día do Libro tan próximo, dedicámoslle a Lista deste mes a estas persoas que deixan saír a súa creatividade de xeitos moi diversos.

Comezamos co cantante de Love of Lesbian, Santi Balmes, que iniciou a súa andadura literaria no 2011, con Yo mataré monstruos por ti, un libro infantil sobre os medos nocturnos. A obra, leva por título un verso da canción Un día en el parque que Balmes dedicou  a súa segunda filla. Tras este viñeron outros catro libros, que podedes atopar nas Bibliotecas Municipais.

Un ano despois do debut literario de Balmes, a banda lanzou o seu sétimo ábum de estudio, La noche eterna. Los días no vividos, un doble disco no que seres anónimos e noctámbulos móvense entre a crudeza e o humor, e mesturan realidade e ficción. Destacamos Oniria e Insomnia, a historia de dous destes seres que conectan á perfección, ata que ela ten que marchar, pero dille que se volverán a atopar unha e outra vez.

David Byrne é un artista moi polifacético: cantante, compositor, guitarrista, cineasta, actor e tamén escritor. O que foi líder de Talking Heads, unha das bandas máis representativas do new wave e o post-punk, conta xa con nove libros publicados. Dous dos máis coñecidos son Diario de bicicleta e Cómo funciona la música; nesta obra explica como tecnoloxía e música cambiaron o modo en que se crean, entenden e escoitan cancións.

Dos Talking Heads escollemos Once In a Lifetime, un tema producido e coescrito con Brian Eno, pertencente a  Stop Making Sense, o seu disco en vivo de 1984, que contén os temas da banda sonora da película do mesmo nome.

A cantante e compositora malagueña Vanesa Martín fixo en 2016 a súa primeira achega ao mundo da escrita con Mujer océano, unha selección de poemas próximos, urbanos e actuais nos que fala dos seus medos e inseguridades, do amor e o desamor

Ese mesmo ano, saíu ao mercado o que ata o momento é o seu último traballo, Munay, un dos temas mellor acollidos do mesmo, foi Porque queramos vernos, que versiona en castelán e portugués con Matías Damásio.

Quen tamén se estreou recentemente coa poesía foi o coruñés Xoel López, que o pasado setembro presentou Bailarás cometas bajo el mar. Nel, amósanos algúns dos poemas que escribiu en distintas épocas, entre disco e disco, mentres compoñía as súas letras.

Tres meses despois do poemario, deleitounos cun novo álbum que ven a pechar un ciclo cos dous traballos anteriores, Atlántico (2012) e Paramales (2015). E é que se os primeiros reflectían as súas experiencias en América e a etapa intermedia na que atopábamos  temas grabados entre España e América; este último, Sueños y pan, supuxo o retorno ao seu país, e del que salientamos Insomnio.

Convidámosvos a profundizar na faceta literaria destes artistas, con algunha das súas obras, que atoparedes nas Bibliotecas Municipais. E como sempre, se queredes escoitar os traballos dos temas seleccionados ao completo, podédelos atopar no recuncho da Lista de Reprodución, na Biblioteca Fórum.

Albert Pla – Walk On The Wild Side. Andres Calamaro – El Perro. Bob Dylan – Ballad of Hollis Brown. Bruce Springsteen – We Take Care of Our Own. Caetano Veloso – Contigo en la distancia. Dani Martín – Ya nada volverá a ser como antes. Ismael Serrano – Podría ser. Joan Manuel Serrat –De cartón y Piedra. Joaquín Sabina – Resumiendo. Leonard Cohen – The Letters. Love of Lesbian (Santi Balmes) – Oniria e Insomnia. Luis Eduardo Aute – Probablemente te quiero. Madonna – Miles Away. Manolo García – Sobre tus pasos. Nick Cave &The Bad Seeds – Jubilee Street. Rolling Stones (Keith Richards) – Miss You. Talking Heads (David Byrne) – Once In a Lifetime. Vanesa Martín – Porque queramos vernos. Vetusta Morla (Juanma Latorre) – Sálvese quien pueda. Xoel López – Insomnio

Lista Reprodución Fórum: voces de muller II

A Lista deste mes dedicámoslla ás voces femininas. E é que co Día Internacional da Muller ao virar a esquina, que mellor que lembrar ás cantautoras, intérpretes, compositoras e instrumentistas que día a día continúan loitando por abrirse camiño no mundo da música, ou a aquelas que o fixeron no seu día.

Comezamos coa actriz, cantante e compositora rumano-nixeriana Joy Olasunmibo Ogunmakin, coñecida como Ayo (traducción yoruba de Joy). Con quince anos escribiu o seu primeiro tema, que lle axudou a lidiar coa súa traumática infancia (pasou tempadas en fogares de acollida e centros de protección de menores). O seu gusto musical foi influenciado polo seu pai, DJ a tempo parcial, que admiraba a Pink Floyd, Fela Kuti, Donny Hathaway, Jimmy Cliff ou Bob Marley.

Durante o tempo que viviu en París o seu talento musical foi descuberto polo público. Comezou a dar concertos en solitario e asinou un contrato con Polydor. No seu primeiro álbum, Joyful (2006), canta, toca a guitarra e o piano. Deste traballo, grabado en 5 días, case en directo, destacamos Life is Real.

Dende 2009 colabora con UNICEF para promover o dereito á educación dos nenos de todo o mundo.

Considerada unha das grandes voces do Rhythm & Blues, a estadounidense Etta James tampouco tivo unha vida fácil. Iniciou a súa carreira en 1954 e tivo que enfrontarse a unha serie de problemas persoais (adicións, abuso físico e ata cárcere), antes do seu retorno musical a finais dos 80.

El 1960 lanzou  At Last!, o seu primeiro álbum de estudo. Incluía unha variada selección de música, como o tema que deu nome ao disco, escrito en 1941 por Mark Gordon e Harry Warren para a película musical Orchestra Wives, e que James versionou converténdoa nun dos seus grandes éxitos. Algo que tamén ocurriu con Trust in Me (1937), de Ned Wever, Milton Ager e Jean Schartz, que popularizara Mildred Bailey.

Compositora e cantante, a catalana María Rodés ten publicados traballos tanto como solista, como colaboracións noutros proxectos musicais, como Oniric, xunto a Andy Poole. 

Fiel consigo mesma, fai a música que lle gusta, como os artistas que admira. Una forma de hablar, o seu primeiro traballo en solitario (2010), tivo unha boa acollida, tanto pola prensa, como polo publico, o que lle permitiu facer unha xira por todo o país. Once temas nos que escapa dos tópicos e canta, nunha linguaxe cercana e directa, sobre sensacións moi recoñecibles (o medo, o descoñecido, etc.), contando historias cotiás. Salientamos Invisible.

Cantautora e compositora, a albaceteña Rozalén con 14 anos comezou a compoñer os seus primeiros temas, dando o seu primeiro concerto con 16 anos.  Coñecida polo seu compromiso social, cos seus temas defende os dereitos das minorías e os máis desfavorecidos.

A súa música está dirixida a todo o mundo sen exclusión, e é que en todos os seus concertos a acompaña Beatriz Romero, intérprete de lingua de signos e guía intérprete de persoas sordo-cegas.

Cuando el río suena… (2017) é o seu último traballo, e tamén o máis persoal, xa que conta historias propias e da súa familia. La puerta violeta é un himno contra as agresións machistas. O vídeo musical, filmado na Serra do Segura tralo incendio do pasado verán, representa o calvario dos malos tratos.

Aquí tedes a Lista de Reprodución ao completo. Agardámosvos na Biblioteca Fórum, onde atoparedes os discos dos temas seleccionados. 

Alba María – Cabaleira. Anni B Sweet – Motorway. Aroah – The Lonely Drunk. Ayo – Life is real. Blondie – Maria. Chavela Vargas – La llorona. Dee Dee Bridgewater – Afro Blue. Diana Ross & The Supremes – You Can´t Hurry Love. Etta James – Trust In Me. Fiona Apple – Every Single Night. Guadi Galego – Eu a vin. Hindi Zahra – Beautiful Tango. Kylie Minogue – Flower. Maria Rodés – Invisible. Mary O’Hara – Oro Mo Bhaidin. Mina – Il cielo in una stanza. NajwaJean – Crime. Norah Jones – Flipside. Rozalén – La puerta violeta Russian Red – I Hate You But I Love You.

Lista Reprodución Fórum: retorno a 2017

Comezamos o ano co 2017 moi presente, e é que para a Lista deste mes fixemos unha pequena escolma dos traballos que chegaron á Biblioteca Fórum ao longo do mesmo para que non vos perdades nada. Unha lista moi variada con música heavy, pop, hip hop, electrónica, etc., e con artistas de aquí como Nashgul ou Brais Morán; e outros de fora como Korn ou The Drums.

En 1980 Brath innovou o folk galego ao incorporar instrumentos ata entón reservados para o rock, como a batería ou a guitarra eléctrica. Abriron así un camiño que seguirían a maioría dos grupos españois. Nos seus temas mesturan música celta con pop, música africana, árabe, etc. Enxebre, o seu último álbum, volve a mirada ás tradicións e mitos, como no caso de Lughnasadh, o tema que leva o nome da festividade gaélica celebrada o 1 de agosto, e que marcaba o comezo da época da colleita e a maduración das primeiras froitas.

O trompetista e arreglista Takuya Kuroda deixou o seu Xapón natal para asistir a un curso de cinco semanas na prestixiosa Berklee College of Music, onde coñeceu ao cantantante de jazz José James. Tras uns inicios nada sinxelos nas rúas de Nova York, conseguiu facerse entender maila barreira idiomática, converténdose nun dos artistas máis solicitados. O seu cuarto álbum, Rising Son (2014), foi producido polo seu amigo José James. Neste traballo, no que seis dos temas son obra do Kuroda, mestúrase o jazz co soul, o groove, o R&B ou o hip-hop. Destacamos o tema que da nome ao álbum.

Considerada unha das meiores intérpretes portuguesas, Dulce Pontes contribuíu ao renacemento do fado nos anos noventa. O seu décimo álbum, Peregrinaçao (2017), é “un encontro total entre a música e a poesía”, e está formado por dous discos, Nudez, con temas en portugués, e Puertos de Abrigo, en castelán. Destacamos Alfonsina y el mar, un tema de Ariel Ramírez e Félix Luna.

O cantautor e guitarrista estadounidense Micah Paul Hinson lanzou o seu primeiro álbum en 2004, con 23 anos, sendo considerado pola crítica e os medios un dos mellores do ano. Con el, deixou atrás o seu turbio pasado de adicións, cárcere e accidentes. The Holy Strangers (2017) é unha ópera folk moderna que conta a historia dunha familia en tempos de guerra, amosando tódalas etapas de vida. Destacamos o tema country Lover’s Lane.

Agardamos que desfrutedes da Lista de reprodución ao completo, que vos deixamos a continuación. Se queredes levar os traballos dos temas seleccionados, podédelos atopar na Biblioteca Fórum.

Amaral – 500 vidas. Anastacia – Caught In The Middle. Ara Malikian – Ciocarlía. Brais Morán – En paz.  Brath – Lughnasadh.    Broken Toy – The Zine Family. Dave Brubeck – Take Five. Dulce Pontes – Alfonsina y el mar. Gregory Porter – Don’t Be a Fool. James Blunt – Bartender. Juan Luis Guerra – Muchachita linda. Korn – A Different Wold. Los Planetas – Espíritu olímpico. Madonna – Rebel Heart. Micah P. Hinson – Lover’s Lane. Nashgul – Taxidermia. Nikone – Casino. Pablo und Destruktion – Herejes. Rayden – Amalgama. Red Fang – Shadows. Rosa Cedrón – No seré yo. Ses – Romance da Bela Rosa. Takuya Kuroda – Rising Son. Tiziano Ferro – Potremmo Ritornare. The Drums – Money. The Gift – Clinic Hope.

Lista Reprodución Fórum: achégase o inverno

Xa ben entrado decembro, e a piques de estrear estación, traémosvos unha Lista para desfrutar nos días frío e choiva. O omnipresente Nadal tamén chegou aquí, polo que atoparedes algunhas panxoliñas para animar estas datas.

En 1995 a banda británica Queen lanzou o seu decimocuarto traballo, Made in Heaven. O último no que interviron Freddie Mercury e John Deacon. O tema que escollemos, A Winter’s Tale, é o derradeiro escrito totalmente por Mercury. Composto trala gravación do seu disco anterior, Innuendo, describe o que este vía pola ventá do estudo do grupo: os cisnes do Lago Xenebra, as montañas e o aire invernal.

Con máis de 40 millóns de discos vendidos ao redor do mundo, The Cranberries é unha das bandas irlandesas máis coñecidas. No Need To Argue (1994), o seu segundo álbum, foi o de maior éxito, ata o punto de ser relanzado en 2002. Nesta nova versión incluíronse cancións adicionais, como So Cold In Ireland, que aparecera na cara B do sinxelo Ode To My Family (1995) e no EP Doors and Windows (1995).

No ano 2000 formouse a banda norteamericana The Walkmen, que se caracteriza por prefererir o son dos instrumentos musicais de época, en especial do piano vertical. O seu sexto álbum, Lisbon (2010), recibiu ese nome como homenaxe á cidade portuguesa que visitaran na súa última xira. Para el gravaron trinta temas antes de elixir os once definitivos. Cancións feridas, ansiosas e conmovedoras entre as que seleccionamos While I Shovel The Snow, unha das máis calmadas.

Os discos do Nadal son un clásico e tódolos anos hai artistas que aproveitan a época para facer a súa versión ou compoñer temas relacionados con estas datas.

A cantante e pianista canadense Diana Krall fixo o propio en 2005 con Christmas Songs. Acompañada da Orquestra de Jazz Clayton-Hamilton, revisou algúns clásicos dende o seu estilo, o jazz. Nesta ocasión destacamos un tema escrito en 1934 por Felix Bernard e Richard B. Smith que, maila ter sido versionado por máis de 200 artistas, non é dos máis coñecidos: Winter Wonderland

A continuación, deixámosvos a Lista de Reprodución ao completo. E se queredes levar os discos dos temas seleccionados, atoparédelos no recuncho da Lista na Biblioteca Fórum.

Arcade Fire – Neighboruhood #1 (Tunnels).  Bing Crosby – The Littlest Angel. Bruce Springsteen – Tenth Avenue Freeze-Out. Diana Krall – Winter Wonderland. Ella Fitzgerald & Louis Armstrong – A Foggy Day. Elvis Costello – Jammie Standing in the Rain. Frank Siantra – O Little Town of Bethlehem. George Michael – Last Christmas.  Kenny G – Spring Breeze. M-Clan – Cancion de invierno.  Madonna – Frozen. Mumford & Sons – Hopeless Wanderer. Paul Weller – Cold Moments. Queen – A Winter’s Tale. Renata Scotto – He shall feed his flock. Ray Charles – The Snow Is Falling. Rihanna – Umbrella feat. Jay-Z. Saint Etienne –  Teenage Winter. Silvio Rodríguez – Canción de Navidad. Supertramp –  It’s Raining Again. Take 6 – Hark! The Herald Angels Sing. The Cranberries –  So Cold In Ireland. The Walkmen –  While I Shovel The Snow. The Wave Pictures – January And December. Tori Amos – Winter’s Carol. Vetusta Morla – Cuarteles de invierno

 

Lista Reprodución Fórum: ampliando sentidos

Este mes propoñémosvos unha Lista distinta, na que poderedes revivir actuacións ou mesmo visualizar algún documental de ABBA, Ainhoa Arteta, Chicago, Depeche Mode, Lou Reed ou The Who, entre outros.  E é que se vides a Biblioteca Fórum, en lugar dos habituais discos coa música, atoparedes DVD.

Iniciado en 1967, o Festival de Jazz de Montreux coumezou nos salóns do Casino desta cidade suiza. Nos anos 80 pasou a ser un evento musical de prestixio internacional e a día de hoxe séguese a celebrar fronte ao lago Lemán.

Ao longo dos anos, moitos artistas publicaron álbumes gravados en directo durante a súa participación no Festival. Tal é o caso de Emerson, Lake & Palmer, que actuaron no ano 1997. Desta banda británica formada nos anos 70 destacamos Lucky Man (1970). Un tema que apareceu no seu álbum debut, chamado como o grupo, e que Greg Lake escribiu aos 12 anos cando a súa nai lle mercou unha guitarra.

Marvin Gaye, un dos máis destacados intérpretes do Motown Sound,  iniciou o seu primeiro tour europeo en 1976. Son poucas as actuacións en vivo que se conservan do artista. Unha delas é a do Edenhalle Concert Hall de Amsterdam. Como mostra, o tema de 1964 How Sweet It Is (To Be Loved By you), que foi versionado por James Taylor en 1975.

No ano 2004 o grupo de heavy metal Metallica lanzou o seu documental Some Kind of Monster. Iniciado a modo de making of do disco St Anger (2003), rematou sendo moito máis, amosando as relacións persoais da banda, os problemas trala saída de Jason Newsted, a audición de Robert Trujillo, a loita cos procesos creativos, etc. Destacamos a canción que deu nome a este traballo, aparecida orixinalmente no seu oitavo álbum de estudio, e que atoparedes nos extras do disco.

Na sexta edición do desaparecido Iberojazz (2011), no que rendeuse homenaxe ao compositor estadounidense Irving Berlin. Nel combinábanse creacións musicais de artistas noveis cas dos grandes do jazz. Nesta ocasión a Big Band do Conservatorio Superior de Música da nosa cidade compartiu escenario co Saint Louis College of Music de Roma no denominado Galitalia Jazz Meeting, que serviu de broche de ouro. Para abrir boca deixámosvos con Onde están, interpretado pola que foi a primeira promoción de jazz de Galicia.

Aquí tedes a Lista de Reprodución ao completo. Se queredes levar os DVD dos temas seleccionados atoparédelos na Biblioteca Fórum.

ABBA – I Have A Dream.   Ainhoa Arteta – La tarántula.  Ana Belén y Víctor Manuel – Contamíname.  Andrés Calamaro & Fito & Fitipaldis – Whiski barato.  Asia – Heat of the Moment.  Big Band CSM A Coruña – Onde están.  Boney M. – Rasputin.  Bruce Springsteen – Thunder Road.  Chicago – Hard to Say I’m Sorry.  David Bowie – Space Oddity.  Depeche Mode – Precious.  Dire Straits – Romeo and Juliet.  Emerson, Lake & Palmer – Lucky Man.  Eric Clapton – Sunshine Of Your Love.  Eurythmics – Sweet Dreams.  Lou Reed – Wild Side.  Madness – Our House.  Marvin Gaye – How Sweet It Is (To Be Loved By you).  Metallica – Some Kind of Monster.  Paul McCartney – Drive My Car.  Queen – Under Pressure. Simon & Garfunkel – Scarborough Fair.  Sinead O’Connor – Nothing Compares 2 U.  Status Quo – Roll Over Beethoven.  The Who – My Generation. U2 – Where the Streets Have No Name.

 

Lista Reprodución Fórum: a Revolución Musical

Na Biblioteca Fórum estamos revolucionados. E é con motivo do centenario da Revolución Rusa temos un ciclo temático adicado a este feito clave. Por iso, na lista deste mes reunimos algúns artistas e temas clave na historia da música.

Comezamos con Ray Charles, o rey da música soul tal e como a coñecemos. No cantante, saxofonista e pianista de Georgia, converxían de forma natural a música sagrada e profana. A súa carreira está plagada de grandes éxitos, como I Got a Woman, Hit the Road Jack ou Mess Around. Deixámosvos con Georgia on My Mind, o tema de 1930 escrito por Hoagy Carmichael e Stuart Gorrell, que popularizou Ray Charles, e foi adoptado como himno polo Estado que o viu nacer.

Considerada unha das voces máis importantes da historia do jazz, Amy Winehouse renovou o panorama musical co seu particular timbre de voz. O memorable tema You Know I’m No Good foi incluído no seu segundo e último álbum de estudio Back to Black (2006), que obtivo un Brit Award e 5 Grammys, convertíndoa na primeira artista birtánica en obtelos nunha mesma edición.

Como non podía ser doutro xeito, nesta lista temos que facer referencia á Movida. Época na que xurdiron Gabinete Caligari, Mecano, Nacha Pop ou Radio Futura, entre outros, convertidos hoxe en grupos de culto.

Pese aos cambios na súa formación orixinal, Radio Futura foi precursor do rock latino, e é considerato un dos grupos rock máis importantes na historia da nosa música por encadear sucesivos éxitos na década dos 80. Versionada polo grupo infantil Bom Bom Chip e posteriormente por Rosario Flores, Corazón de tiza (1990) foi criticada pola súa falta de orixinalidade. Sen embargo, foi un dos seus últimos éxitos antes da disolución, trala que os seus integrantes fundamentáis (Santiago e Luis Auserón e Enrique Sierra) continuaron a súa carreira en solitario.

E se incluimos á Movida , non podemos esquecer o movento musical aparecido en Galicia a principios dos anos 90, o bravú. Ese rock rural con letras combativas e un sentido do humor orientado ao rural, no que destacaron agrupacións como Heredeiros da Crus, Os Diplomáticos de Monte Alto, Os Resentidos ou Yellow Pixoliñas.

O grupo de Monforte de Lemos  lanzou en 1996 o seu derradeiro disco, Non pises a herba!, do que destacamos Addy stripped, no que como en moitos dos seus temas, mesturan galego e inglés.

A continuación vos deixamos a Lista de Reprodución ao completo. Para levar os álbums dos traballos seleccionados lembrade pasar pola Biblioteca Fórum. E se queredes información sobre as actividades ou botarlle un ollo ás guías do noso ciclo temático 100 anos da Revolución Rusa, tédelas aquí.

Amy Winehouse – You Know I’m No Good. Aretha Franklin – Think. Bob Dylan – Like a Rolling Stone. Celtas Cortos – Cuéntame un cuento. Chuck Berry – Maybellene. David Bowie – RebelRebel. Elvis Presley – Jailhouse Rock. Eurythmics – Sweet Dreams (Are Made of These). Gabinete Caligari – Camino Soria. Gloria Gaynor – I Will Survive. Jefferson Airplane – White Rabbit. John Lennon – Imagine. Lady Gaga – Poker face. Marvin Gaye – What’s Going On. Nacha Pop – La chica de ayer. Mecano – El 7 de septiembre. Os Resentidos – Galicia cannibal (fai un sol de carallo). Pink Floyd – Comfortable Numb. Queen – Bohemian Rhapsody. Radio Futura  –Corazón de tiza. Ray Charles – Georgia On My Mind. The Doors – Light My Fire. The Rolling Stones – (I Can´t Get No) Satisfaction. The Velvet Underground & Nico – Heroin. The Who – Baba O’Riley. Yellow Pixoliñas – Addy Stripped.